ပွင်ႈၵႂၢမ်း
ၵူဝ်ႊရီႊယိူဝ်ႊၸၢၼ်း ပိုတ်ႇၽၵ်းတူတႃႇဢုပ်ႇၵုမ် ၸွမ်း ၵူဝ်ႊရီႊယိူဝ်ႊႁွင်ႇ
- Details
- Published on Tuesday, 04 January 2011 13:10
- Written by ႁဵဝ်းႁွမ်
ၸွမ်ၸိုင်ႈမိူင်းၵူဝ်ႊရီႊယိူဝ်ႊၸၢၼ်း လၢတ်ႈဝႃႈ တိုၵ်ႉပိုတ်ႇ ၽၵ်းတူတႃႇဢုပ်ႇၵုမ်ၸွမ်း မိူင်းၵူဝ်ႊရီႊယိူဝ်ႊ ႁွင်ႇ ယူႇၼႆ။
လီႊမျုင်ႊပႅၵ်ႊ (Lee Myung-bak) ၸွမ်ၸိုင်ႈၵူဝ်ႊရီႊယိူဝ်ႊၸၢၼ်း လၢတ်ႈဝႃႈတႃႇမိူင်းၵူဝ်ႊရီႊယိူဝ်ႊၸၢၼ်း ၽိုၵ်းၽွၼ်ႉၵၢၼ်သိုၵ်း လႆႈတဵမ်တီႈၼၼ်ႉလႆႈပိုတ်ႇၽၵ်းတူတႃႇဢုပ်ႇၸွမ်းမိူင်းၵူဝ်ႊရီႊယိူဝ်ႊႁွင်ႇယူႇ ဝႃႈၼႆ။
သိုပ်ႇလၢတ်ႈဝႃႈ သင်ဝႃႈ ၵူဝ်ႊရီႊယိူဝ်ႊႁွင်ႇၼေလွင်ႈသိုဝ်ႈယူဝ်းယူႇၸိုင်တႃႇႁူမ်ႈႁွမ်းပၢႆးမၢၵ်ႈမီးတင်းၵူဝ်ႊရီႊ ယိူဝ်ႊၸၢၼ်း ႁႂ်ႈၶိုၼ်ႈ ယႂ်ႇမႂ်ႇသုင်မႃးၼၼ်ႉ ၵူဝ်ႊရီႊယိူဝ်ႊၸၢၼ်း ႁၢင်ႈႁႅၼ်းဝႆႉယူႇ ၼႆ။
မိူဝ်ႈဝၼ်းထိ 23.11.2010 ပူၼ်ႉမႃးဢၼ်ၵူဝ်ႊရီႊယိူဝ်ႊႁွင်ႇပိုတ်းယိုဝ်းၵူဝ်ႊရီႊယိူဝ်ႊၸၢၼ်းတီႈၵုၼ်ယွင်ႊပျွင်ႊ ၸိူင်ႉၼၼ်ႉ ယွၼ်ႉဢမ်ႇ ၶႂ်ႈႁႂ်ႈပဵၼ်ထႅင်ႈလႄႈၵူဝ်ႊရီႊယိူဝ်ႊၸၢၼ်းၸင်ႇလႆႈႁၢင်ႈႁႅၼ်းဝႆႉတႃႇလွင်ႈႁူမ်ႇလူမ်ႈ ၶိုၵ်ႉၶႅမ်ႉလီ ၼၼ်ႉယဝ်ႉၼႆ ၸွမ်ၸိုင်ႈ လီႊမျုင်ႊပႅၵ်ႊ လၢတ်ႈ။
