ပၢႆးယူႇလီ

ၼင်ႈ​ႁိုင် ၸၢင်ႈ​ႁဵတ်းႁႂ်ႈ​သဵၼ်ႈ​လိူတ်ႈၼႂ်း​ပွတ်ႇ ပဵၼ်​သႅၼ်ႈ​လိူတ်ႈ​ၶွတ်ႇ​လႆႈ

မေႃ​ယႃ  ၶ​ရိတ်း​တူဝ်ႊ​ၾိူဝ်ႊ  ၶႃႊ​ပေႃႊ တီႈ​ႁူင်း​ယႃ  Massachusetts General Hospital ႁူမ်ႈ​တင်း​ၽူႈ​ၶူၼ်ႉ ၶႂႃႉ​ၶဝ်​လႄႈ​ၽူႈ​လဵပ်ႈ​ႁဵၼ်း​ၾၢႆ​ၼႆႉ​ၵမ်း​သိုဝ်ႈ​ၶဝ် လၢတ်ႈ​ဝႃႈ ၼၢင်း​ယိင်း ဢၼ်​ၼင်ႈ 41 ၸူဝ်ႈ​မူင်း​တေႃႇ​ၼိုင်ႈ​ဝူင်ႈ (1 ပၢတ်ႈ) ၼၼ်ႉ မီး​တိုဝ်ႉ​တၢင်း​တႃႇ​တေ ပဵၼ် သဵၼ်ႈ​လိူတ်ႈ​ၶွတ်ႇ ၼႂ်း​ပွတ်ႇ​ၼမ်​လိူဝ်​ၼၢင်း​ယိင်း ၸိူဝ်း​ႁဵတ်း ၵၢၼ် ဢမ်ႇ​ပေႃး​လႆႈ​ၼင်ႈ ဢမ်ႇ​ၼၼ်​ၼင်ႈ 10 ၸူဝ်ႈ​မူင်း​တေႃႇ 1 ဝူင်ႈ။ 

ၼၢင်း​ယိင်း​ဢၼ်​ၼင်ႈ​ႁိုင် 41 ၸူဝ်ႈ​မူင်း​ၼၼ်ႉ​မီး​တိုဝ်ႉ​တၢင်း​တႃႇ​တေ​ပဵၼ်​သဵၼ်ႈ​လိူတ်ႈ​ၶွတ်ႇ​လႆႈ​ၼမ် ထိုင် 2 -3 ပုၼ်ႈ​ဝႃႈ​ၼႆ။ 

လွင်ႈ​ၼင်ႈ​ယူႇ​တီႈ​ၵဝ်ႇ​တီႈ​လဵဝ် သေ​ဢမ်ႇ​မီး​ၵၢၼ်​တူင်ႉ​ၼိုင်​တူဝ်​ၶိင်း​ႁဝ်း​ၼၼ်ႉ ၸၢင်ႈ တေ​ႁဵတ်းႁႂ်ႈ​ၵၢမ်ႈ​ၼိူဝ်ႉ ၵူၼ်း​ႁဝ်း ႁဵတ်း​ၵၢၼ် တႅမ်ႇ(ဢႄႇ)လႄႈ ႁဵတ်းႁႂ်ႈ​လွတ်ႇ​လိူတ်ႈ​ၸွမ်း​ၶႃ ဢမ်ႇ​ၼၼ် လွတ်ႇ​လိူတ်ႈ​ၸွမ်း​တူဝ်​ၶိင်း ၵူၼ်း​ႁဝ်း​လၢႆ⁠လၢႆ​တီႈ ၶိုၼ်း​လႆ​ၶဝ်ႈၼႂ်း ပွတ်ႇ​သေ ႁဵတ်းႁႂ်ႈ​ပဵၼ်​သဵၼ်ႈ​လိူတ်ႈ​ၶွတ်ႇ ၼႂ်း​ပွတ်ႇ လႆႈ ဝႃႈ​ၼႆ​ယဝ်ႉ။ ၼၢင်း​ယိင်း​ဢၼ်​ႁဵတ်း​ၵၢၼ်ၼႂ်း​လုမ်း သေ​ၼင်ႈ​ယူႇ​တင်း​ဝၼ်း တင်း​ဝၼ်း​ၼၼ်ႉ ထုၵ်ႇ​လီ​ႁႃ​ၶၢဝ်း​ယၢမ်း​ဢွၵ်ႇ ဢဵၼ်​ႁႅင်း​ၽွင်ႈ ဢမ်ႇ​တၼ်း​ၵူႈ​ဝၼ်း​ၵေႃႈ 1 ဝူင်ႈလႂ် 2-3 ဝၼ်း​ၵေႃႈ​ယင်း​လီ ၼႆ​ယဝ်ႉ။