ပၢႆးယူႇလီ
သူႊတၼ်ႊ ပွတ်းၸၢၼ်း (South Suden) ၸၢင်ႈၶဝ်ႈႁူမ်ႈပဵၼ်လုၵ်ႈၸုမ်း UN ဝၢႆးလႆႈၵွၼ်းၶေႃ
- Details
- Published on Wednesday, 06 July 2011 21:11
- Written by သိုဝ်ႇႁႅင်းၼုမ်ႇ
ၸွမ်ၸိုင်ႈ ၶွင်ႊသီႊႁူမ်ႇလူမ်ႈၸၢတ်ႈၸိုင်ႈလုမ်ႈၾႃႉ (President of the United Nations Security Council) လၢတ်ႈဝႃႈ သူႊတၼ်ႊပွတ်းၸၢၼ်း ၸၢင်ႈၶဝ်ႈႁူမ်ႈပဵၼ်လုၵ်ႈၸုမ်းၸၢတ်ႈၸိုင်ႈ လုမ်ႈၾႃႉ (United Nations) ပဵၼ်တၢင်းၵၢၼ်ၼႂ်း ၸဝ်ႉ ဝူင်ႈၼႃႈၼႆ။
ၸိူဝ်ႉၸၢတ်ႈၸိုင်ႈမိူင်းမႂ်ႇ ဢၼ်တေတၢင်ႇၸိုဝ်ႈဝႃႈ Republic of South Suden ၼႆၼၼ်ႉတေလႆႈ ၵွၼ်းၶေႃ (Indepen- dence) ၼႂ်းဝၼ်းသဝ်ၼႆႉ ၼႆယဝ်ႉ။
Peter Wittig (Germay’s U.N. Ambassador) ၽွင်းတၢင်ၵျိူဝ်ႊမၼ်ႊ ၵပ်းသၢၼ် UN ၽူႈႁပ်ႉ\တၼ်းႁဵင်းပဵၼ်ၸွမ်ၸိုင်ႈ လူင် ၶွင်ႊသီႊႁူမ်ႇလူမ်ႈ ၸၢတ်ႈၸိုင်ႈလုမ်ႈၾႃႉ ၼႂ်းလိူၼ်ၼႆႉ လၢတ်ႈဝႃႈမၼ်းၸဝ်ႈယုမ်ႇယမ်မုင်ႈမွင်း ဝႃႈ ၶွင်ႊသီႊ ႁူမ်ႇ လူမ်ႈတေၵမ်ႉထႅမ် သူႊတၼ်ႊပွတ်းၸၢၼ်း ၶဝ်ႈပဵၼ် လုၵ်ႈၸုမ်း UN ၼႂ်းဝၼ်းထိ 13.7.2011 ၼႆႉသေတေမီးလွင်ႈတွတ်ႈ ၶႅပ်း ၵၢင်ၸႂ် ၼႂ်းပၢင်ၵုမ်လူင် ၵူႈလွင်ႈလွင်ႈၸၢတ်ႈၸိုင်ႈလုမ်ႈၾႃႉဢၼ်တေထိုင် ယူႇ ၼႆယဝ်ႉ။
သင်ဝႃႈလႆႈထုၵ်ႇယိုၼ်ယၼ် ယွမ်းႁပ်ႉပဵၼ်လုၵ်ႈၸုမ်းယဝ်ႉၸိုင်သူႊတၼ်ႊ ပွတ်းၸၢၼ်းတေၶဝ်ႈပဵၼ် လုၵ်ႈၸုမ်း United Nations (UN) ထူၼ်ႈ 193 ၸိုင်ႈမိူင်း ဝႃႈၼႆယဝ်ႉ။
ၼႂ်းၽွင်းယၢမ်းလဵဝ်ၵၼ် UN ၵေႃႈၶႆႈၸႂ်ဝူၼ်ႉတူၺ်းပိူဝ်ႈတႃႇပွႆႇၸုမ်းၵုမ်း ထိင်း လွင်ႈငမ်းယဵၼ် (Peacekeeping) လုမ်ႈ ၾႃႉ ၶဝ်ႈၼႂ်းမိူင်းသူႊတၼ်ႊ ပွတ်းၸၢၼ်းယူႇ ၼႆယဝ်ႉ။
Salva Kiir ၸွမ်ၸိုင်ႈ မိူင်းသူႊတၼ်ႊပွတ်းၸၢၼ်းတေၵိၼ်ႇၵၢဝ်ႇမွၵ်ႇလၢတ်ႈ ၶေႃႈၵႂၢမ်း မိူဝ်ႈႁပ်ႉတၼ်းႁဵင်း ၼႂ်းဝၼ်းသဝ် ၼႆႉ ၼႆယဝ်ႉ။
မိူင်းသူႊတၼ်ႊ ပွတ်းႁွင်ႇလႄႈ ပွတ်းၸၢၼ်းလႆႈပဵၼ်ပၢင်တိုၵ်းသိုၵ်းၵၢင်မိူင်း ၵၼ်မႃးၶၢဝ်းတၢင်း 21 ပီသေ ၵိုတ်းသိုၵ်းဢဝ် လွင်ႈငမ်းယဵၼ်မိူဝ်ႈပီ 2005။ သူႊတၼ်ႊပွတ်းၸၢၼ်း လႆႈတွတ်ႈၶႅပ်းၵၢင်ၸႂ် ပိူဝ်ႈတႃႇၽၢတ်ႇဢွၵ်ႇပွတ်းႁွင်ႇ သေၵေႃႇ တင်ႈၸိုင်ႈမိူင်းလွတ်ႈလႅဝ်းသဝ်းၶေႃ မိူဝ်ႈလိူၼ် January 2011 ပီၼႆႉမႃးယူႇယဝ်ႉ။
