ၶိုတ်းတၼ်း IT
မၢဝ်ႊဝႅၼ် (ring mouse)
- Details
- Published on Wednesday, 25 May 2011 13:48
- Written by ယွတ်ႈတႆး
ၶွမ်ႇပၼီႊၽူႈၼမ်းၽၢႆႇႁဵတ်းၶၢႆမၢဝ်ႊမိူၼ်ၼင်ႇ ၵျႅၼ်ႊၼီႊယတ်ႊ(Genius)ၼၼ်ႉ ႁဵတ်းဢွၵ်ႇလႄႈ တႄႇဝၢင်းၶၢႆမၢဝ်ႊဝႅၼ် (ring mouse) ၼႂ်းမိူင်းဢႃႊမေႊရိၵၢၼ်ႊယဝ်ႉ၊ ၽွၼ်းလီၶွင်မၢဝ်ႊၼႆႉၽူႈၸႂ်ႉ ၶွမ်းၶဝ် ၸၢင်ႈထိင်းၶွမ်းလူၺ်ႈၵၢၼ် ၸႂ်ႉႁူဝ်မႄႈမိုဝ်းတဵၵ်းမဵဝ်းလဵဝ်ၼႆ။
လိူဝ်သေၼႆႉ မၢဝ်ႊဝႅၼ်ၼႆႉမီးမႃးၸွမ်း ထတ်ႊၽႅတ်ႊ (touchpad) ဢိၵ်ႇပႃးတီႈတဵၵ်းသွင်တီႈတႃႇၶ လိၵ်ႉ သၢႆႉလႄႈၶလိၵ်ႉၶႂႃ။ တင်းမူတ်းၼႆႉ ႁဵတ်းၵၢၼ်လူၺ်ႈၵၢၼ်ၸႂ်ႉႁူဝ်မႄႈမိုဝ်းၼိဝ်ႉလဵဝ် ၼႆယဝ်ႉ။
ၸိူင်ႉႁိုဝ်ၵေႃႈလီ မၢဝ်ႊၼႆႉႁဵတ်းၵၢၼ်မိူၼ်မၢဝ်ႊႁၢမ်းသၢႆတၢင်ႇၸိူဝ်း၊ မၼ်းႁဵတ်းၵၢၼ်ၼႂ်းသၼ်ႊယၢၼ်း ၵႂၢမ်းထီႇ 2.4GHz၊ မၼ်းၸၢင်ႈသင်ႇၵုမ်းထိင်းၶွမ်းၵႆသုတ်းမွၵ်ႈ 10 မဵတ်ႉလႄႈမၼ်းယင်းၸၢင်ႈသၢင်း ၾႆးထၢၼ်ႇ (charge) ၽၢၼ်ႇၵၢၼ်ၸႂ်ႉတူဝ်တေႃႇ USB ၼႆ။
ၵႃႈၶၼ်မၢဝ်ႊဝႅၼ်တူဝ်ၼႆႉ ယၢမ်းလဵဝ်တေမီးမွၵ်ႈ 69.99 တေႃႊလႃႊ ဢမ်ႇၼၼ်မွၵ်ႈ 2,100 ဝၢတ်ႇ ငိုၼ်းထႆး ၼႆယဝ်ႉ။
