ၶိုတ်းတၼ်း IT
သိုၵ်းတႆး သိုၵ်းမၢၼ်ႈၽႃႇၺႃးပိုတ်းယိုဝ်းၵၼ် ပွတ်းလႅၼ်လိၼ်
- Details
- Published on Wednesday, 24 November 2010 12:46
- Written by ၶၢဝ်ႇလႅၼ်လိၼ်
ပၢင်တိုၵ်းၵၼ်ၼၼ်ႉပဵၼ်တီႈဝၢၼ်ႈဢွင်ႈလွင်ႈ ႁိမ်းဝၢၼ်ႈသူၼ်ၵုၺ် ၸေႈဝဵင်းမိူင်းတူၼ်။
ၵူၼ်းၼႂ်းပိုၼ်ႉတီႈၵေႃႉဢမ်ႇၶႂ်ႈဢွၵ်ႇၸိုဝ်ႈလၢတ်ႈဝႃႈ “မိူဝ်ႈဝၼ်းထိ 23.11.2010 မိူဝ်ႈဝႃး ယၢမ်းၵၢင်ၼႂ် 7:00 ပၢႆ သိုၵ်းတႆးပွတ်းၸၢၼ်း SSA ဢွၵ်ႇတၢင်းသေၵႂႃႇၽႃႇၺႃး သိုၵ်းမၢၼ်ႈ တပ်ႉ 65မိူင်းတူၼ်ဢၼ်မႃးပႂ်ႉတၢင်းၵူၼ်း ၶဝ်ႈ ၵူၼ်းဢွၵ်ႇမိူင်းထႆးလႄႈလႆႈပိုတ်းယိုဝ်းၵၼ် ႁိုင်မွၵ်ႈ 1:00 ၸူဝ်ႈမူင်းပၢႆသိုၵ်းမၢၼ်ႈ တၢႆ 2 ၵေႃႉမၢတ်ႇၸဵပ်း 2 ၵေႃႉ။ သိုၵ်းမၢၼ်ႈဢၼ် မၢတ်ႇၸဵပ်း 2 ၵေႃႉၼၼ်ႉမိူဝ်းတၢႆၸွမ်းတၢင်းၵေႃႉ 1။ တႃႇထႅင်ႈၵေႃႉၼိုင်ႈသမ်ႉဢဝ်မိူဝ်း ၶိုၼ်ႈႁူင်းယႃမိူင်းတူၼ်ဝႆႉ” ဝႃႈၼႆ။
ဝၢႆးပၢင်တိုၵ်းယဝ်ႉ ၵူၼ်းဝၢၼ်ႈႁၢႆၵႂႃႇၼိုင်ႈၵေႃႉ ယင်းပႆႇႁူႉဝႃႈပဵၼ်ၽႂ်လႂ်။ ပူႇၵၢင်ႉ ပူႇႁဵင် ၸိူဝ်းယူႇႁိမ်း ဝၢၼ်ႈၼၼ်ႉ ၵေႃႈ လွမ်မႆႈၸႂ် ၵွပ်ႈၵူဝ်သိုပ်ႇပဵၼ်ပၢင်တိုၵ်းၵၼ်ထႅင်ႈ ဝႃႈၼႆယဝ်ႉ။
