ၶၢဝ်ႇမိူင်းႁူမ်ႈတုမ်
မၢၼ်ႈလူဝ်ႇတႅၼ်းၼီႈၵဝ်ႇ ၼွၵ်ႈမိူင်းမိုၼ်ႇလၢၼ်ႉ တေႃႊလႃႊပၢႆ
- Details
- Published on Monday, 20 February 2012 16:50
- Written by သႅၼ်သီၾႃႉ
ၸွမ်းၼင်ႇမိူင်းမၢၼ်ႈ ပၢၼ်လူင်ပွင်ၸိုင်ႈသိုၵ်းၵဝ်ႇ လႆႈၵူႈယိမ်ငိုၼ်းတီႈၼွၵ်ႈမိူင်းသေ ဢၼ်လူဝ်ႇတႅၼ်းၶိုၼ်း လႄႈ တိုၵ်ႉပဵၼ်ၼီႈယူႇၼၼ်ႉမီးၼပ်ႉမိုၼ်ႇလၢၼ်ႉတေႃႊလႃႊ ၼႆ။
ဢူးလႃႉထုၼ်း ၽွင်းလူင်ၽၢႆႇၵၢၼ်ငိုၼ်းၼႂ်းမိူင်းႁူမ်ႈတုမ်မိူင်းမၢၼ်ႈ လႆႈလၢတ်ႈၵႂႃႇမိူဝ်ႈပၢင်ၵုမ် ၽွင်းတႅၼ်း သၽႃးမိူင်းႁူမ်ႈတုမ်(ပြည်ထောင်စုလွတ်တော်) မိူဝ်ႈ 31/01/2012 ပူၼ်မႃးဝႃႈမိူင်းမၢၼ်ႈ တိုၵ်ႉလူဝ်ႇတႅၼ်း ၼီႈၵဝ်ႇ ဢၼ်ၵူႈႁိမ်ၼွၵ်ႈမိူင်းဝႆႉမႅၼ်ႈငိုၼ်းတေႃႊလႃႊ 11,013.298 လၢၼ်ႉ ပၢႆၼႆယဝ်ႉ။
သိုပ်ႇလၢတ်ႈဝႃႈ ငိုၼ်းၼွၵ်ႈမိူင်းဢၼ်လႆႈၵူႈႁိမ်မႃးၼၼ်ႉၵွၼ်ႇပီ 1988 လႆႈၵူႈဝႆႉ 8,400 လၢၼ်ႉတေႃႊ လႃႊပၢႆ ၊ ဝၢႆးပီ 1988 သမ်ႉလႆႈၵူႈဝႆႉ 2,600 လၢၼ်ႉတေႃႊလႃႊပၢႆ ၼႆယဝ်ႉ။
ငိုၼ်းဢၼ်ၵူႈယိမ်ၵွၼ်ႇပီ 1988 လႄႈပႆႇလႆႈသၢႆႈတႅၼ်းၶိုၼ်းၼၼ်ႉ ယွၼ်ႉတိုၵ်ႉၶိုင်သၢင်ႈ ႁၢင်ႈပွင် ႁဵတ်းၵၢၼ် ပူၵ်းပွင်တႃႇဝၢၼ်ႈမိူင်း၊ ယွၼ်ႉပႆႇမီးတီႈလႂ်ပၼ်ငိုၼ်းၵူႈသေဢမ်ႇၵႃး တႃႇတေသၢႆႈတႅၼ်းၶိုၼ်း ၼီႈ ၵဝ်ႇၼၼ်ႉ တိုၵ်ႉပဵၼ်ၶၵ်ႉတွၼ်ႈ လူင်ပွင်ၸိုင်ႈလႄႈၵူၼ်းမိူင်းဢုပ်ႇဢူဝ်းၵၼ် သေၶိုင်ပွင်ၵႂႃႇမိူဝ်းၼႃႈ ဝႃႈၼႆယဝ်ႉ။
