ၶၢဝ်ႇမိူင်းႁူမ်ႈတုမ်
လူင်ပွင်ၸိုင်ႈမၢၼ်ႈတိုၵ်ႉႁဵတ်းသၢင်ႈ ၶူင်းၵၢၼ်ႁႅင်းၾႆးၾႃႉ ၶီးၽူၺ်ႇ Chibwe
- Details
- Published on Tuesday, 21 February 2012 15:35
- Written by သႅၼ်သီၾႃႉ
လူင်ပွင်ၸိုင်ႈမႂ်ႇမိူင်းႁူမ်ႈတုမ်မၢၼ်ႈ ဢၼ်ဢူးတဵင်းၸဵင်ႇ ဢွၼ်ႁူဝ် ယွၼ်ႇယၢၼ်းႁဵတ်းၸွမ်း ၵၢင်ၸႂ်ၵူၼ်းမိူင်းသေ ၼႂ်းလိူၼ် သႅပ်ႊထိမ်ႊပိူဝ်ႊ ပီၵၢႆ 2011 ပူၼ်ႉမႃး လႆႈၸိသင်ႇၵိုတ်းယိုတ်းပႅတ်ႈ ၶူင်းၵၢၼ်ႁူင်းၾႆးၾႃႉႁႅင်းၼမ်ႉ ဢၼ်ႁဵတ်းသၢင်ႈတီႈ မိတ်ႉသူင်ႇ ၼႂ်းၸေႈမိူင်းၶၢင်။
မိူဝ်ႈၼႂ်းပီ 2011 လိူၼ်ဢေႃးၵၢတ်ႊ ဝၼ်းထိ 26 မိူဝ်ႈလူင်ပွင်ၸိုင်ႈတဵင်းၸဵင်ႇ ပႆႇၸႂ်ႉၵိုတ်းယိုတ်းပႅတ်ႈ ၶူင်းၵၢၼ် ႁူင်းၾႆးၾႃႉ ႁႅင်းၼမ်ႉမိတ်ႉသူင်ႇၼၼ်ႉ မီးၶၢဝ်ႇဢွၵ်ႇဝႃႈတဵင်းၸဵင်ႇၵႂႃႇလႄႇတူၺ်းတီႈ ၶူင်းၵၢၼ် ၶီးၽူၺ်ႇ Chibwe ၼႆ။
ၵူၼ်းၼႂ်းပိုၼ်ႉတီႈဝႃႈ“ မိူဝ်ႈမၼ်းၵႂႃႇလႄႇတူၺ်းၼၼ်ႉ ၶူင်းၵၢၼ်ႁႅင်းၾႆးၾႃႉ ၶီးၽူၺ်ႇ Chibwe ၼႂ်းမႄႈၼမ်ႉ မေႊၶႃႊ ယဝ်ႉတူဝ်ႈၵႂႃႇၵမ်ႈၼမ်ယဝ်ႉ” ဝႃႈၼႆ။
ႁႅင်းၾႆးၾႃႉဢၼ်တေဢွၵ်ႇတီႈ ၶီးၽူၺ်ႇ Chibwe ၼၼ်ႉ 3,400 MW ။ ၼိုင်ႈပီလႂ်တေဢွၵ်ႇႁႅင်းၾႆးၾႃႉ ၵႃႈႁိုဝ် ယင်းပႆႇႁူႉလႆႈၸႅင်ႈလႅင်း ၼႆယဝ်ႉ။
ပဵၵ်ႉသမ်ႉၶူင်းၵၢၼ်ႁူင်းၾႆးၾႃႉႁႅင်းၼမ်ႉ တီႈမိတ်ႉသူင်ႇၵိုတ်းလိုဝ်ႈၵႂႃႇသေတ ႁူင်းၾႆးၾႃႉ ႁႅင်းၼမ်ႉ ၼမ်ႉမႄႈ မေႊၶႃႊ ယင်းတိုၵ်ႉမီးၶေႃႈထၢမ်ယူႇ၊ တေႃႇထိုင်မိူဝ်ႈလဵဝ် ၼႂ်းမႄႈၼမ်ႉ မေႊၶႃႊ တိုၵ်ႉ ႁဵတ်းသၢင်ႈၾၢႆႁႅင်းၾႆးၾႃႉ ၶီးၽူၺ်ႇ Chibwe ယူႇ။ ၶူင်းၵၢၼ်ၾႆးၾႃႉ ႁႅင်းၼမ်ႉဢၼ်ႁဵတ်းသၢင်ႈယူႇ ၼိူဝ်မႄႈၼမ်ႉ မေႊၶႃႊ လႄႈ မလိၶ ၼႂ်းၸေႈမိူင်းၶၢင် တိုၵ်ႉၵိုတ်းထႅင်ႈယူႇ ဝႃႈၼႆယဝ်ႉ။
