ၶၢဝ်ႇမိူင်းႁူမ်ႈတုမ်

ၶိၼ်ႊတႃႊၼႃႊလၢတ်ႈ- သုၼ်ႇလႆႈၵူၼ်းပႆႇၶိုပ်ႈ ၼႃႈသင်

ၽူႈတႅၼ်းၶိုၵ်ႉတွၼ်းၽၢႆႇသုၼ်ႇလႆႈသုၼ်ႇပဵၼ်ၵူၼ်းလုမ်ႈၾႃႉလၢတ်ႈဝႃႈ ပဵၵ်ႉသမ်ႉဝႃႈတိုၵ်ႉ သူၼ်း ပၼ်တိုဝ်ႉတၢင်း ႁႂ်ႈသၢင်ႈသုၼ်ႇလႆႈသုၼ်ႇပဵၼ်ၵူၼ်းၶိုပ်ႈၼႃႈမုၼ်းႁိူင်းသေတႃႉလူင်ပွင် ၸိုင်ႈမိူင်း မၢၼ်ႈၼႆႉ ၼႂ်းၸုမ်းလူင်ပွင်ၸိုင်ႈမၼ်းၵေႃႈယဝ်ႉ ၼႂ်းသၽႃးၽူႈတႅၼ်းၵေႃႈယဝ်ႉ ပႆႇႁၼ်သုၼ်ႇလႆႈ သုၼ်ႇပဵၼ်ၵူၼ်းၶိုပ်ႈၼႃႈသင်ယင်းတိုၵ်ႉမိူၼ်ပိူင်လူင်ပွင်ၸိုင်ႈသိုၵ်းမၢၼ်ႈ ၵဝ်ႇ ၵူၺ်းၼႆ။

ၶၢဝ်ႇ BBC ဢၢင်ႈဢိင်ၵႂၢမ်းလၢတ်ႈမၼ်းၸဝ်ႈသေဢွၵ်ႇဝႃႈဢၼ်ၸၢဝ်းလုမ်ႈၾႃႉတုၵ်းယွၼ်းႁႂ်ႈ ပွႆႇၵူၼ်း တူၵ်းၶွၵ်ႈၵၢၼ်မိူင်းၼၼ်ႉၵေႃႈဢမ်ႇႁၼ်လူင်ပွင်ၸိုင်ႈမၢၼ်ႈဢဝ်သႂ်ႇၸႂ်ဝႆႉၼၵ်းၵူၺ်း ဢမ်ႇၵႃး ပဵၵ်ႉသမ်ႉ ဝႃႈတၢမ်တူဝ် ၸွမ်ၸိုင်ႈတဵင်းသဵင်ႇ လၢတ်ႈဝႃႈတေဢုပ်ႇဢူဝ်းလွင်ႈငမ်း ယဵၼ်ၸွမ်းၸုမ်းယိပ်းၵွင်ႈၵၢင်ႇ ၼႆသေတႃႉ ပႆႇႁၼ်ႁဵတ်းသၢင်ႈႁၼ်ၼမ်ႉႁၼ်တူဝ်ဢၼ်မၼ်ႈ ၵိုမ်းၼိမ်သဝ်းလႆႈ ဝႃႈၼႆ။

သိုပ်ႇလၢတ်ႈဝႃႈ ငဝ်းလၢႆးသုၼ်ႇလႆႈသုၼ်ႇပဵၼ်ၵူၼ်းမိူင်းၸွမ်းလႅၼ်လိၼ်ၵေႃႈထိုင်မိူဝ်ႈလဵဝ် ယင်း ပႆႇႁၼ် လီၶိုၼ်ႈမႃးသင်ၼႆယဝ်ႉ။

ၽွင်းၶၢဝ်းတၢင်းမၼ်းၸဝ်ႈမိူဝ်းမီးၼႂ်းမိူင်းမၢၼ်ႈၼၼ်ႉလႆႈႁူပ်ႉထူပ်းၸွမ်းၸၼ်ႉၽူႈၼမ်းၼႂ်း ၸုမ်းလူင် ပွင်ၸိုင်ႈမိူင်းမၢၼ်ႈတင်းၼမ်သေ ၽူႈၼမ်းၼႂ်းၸုမ်းလူင်ပွင်ၸိုင်ႈၶဝ်လၢတ်ႈဝႃႈ ပၼ်ႁႃၸိူဝ်းၼႆႉႁဝ်းဝႆႉ ၼမ်ႉၼၵ်းယူႇၼႆ၊ ၵူၺ်းမၼ်းၸဝ်ႈႁၼ်ထိုင်ဝႃႈလွင်ႈၸိူဝ်းၼႆႉတၵ်း လႆႈလူင်းမိုဝ်းႁဵတ်းသၢင်ႈၵမ်းလဵဝ်ၵူၺ်းထိုင်မိူဝ်ႈလဵဝ်ယင်းပႆႇႁၼ်ၸုမ်းလူင်ပွင်ၸိုင်ႈမိူင်းမၢၼ်ႈ ၶဝ် ႁဵတ်းသင်ၶိုၼ်ႈမႃး ဝႃႈၼႆယဝ်ႉ။

မၼ်းၸဝ်ႈလၢတ်ႈဝႃႈ ၵူၼ်းတူၵ်းၶွၵ်ႈၵၢၼ်မိူင်းၶဝ်ၵေႃႈယင်းပႆႇပွႆႇပၼ်ၵူၺ်းဢမ်ႇၵႃးတၢင်ႇလိူင်ႈ တၢင်ႇလွင်ႈၵေႃႈပႆႇပႃႈႁၼ်ႁဵတ်းသင် ဝႃႈၼႆ။