ၶၢဝ်ႇမိူင်းတႆး

ၽွင်းလိူတ်ႈႁူဝ်လိူၼ်မႃး ၵွပ်ႈ သင် ၼၢင်းယိင်းဢမ်ႇႁတ်း တႃးႁူဝ် (သႃႇႁူဝ်)

တႄႇၸဵမ်မိူဝ်ႈႁူႉဝႃႈတူဝ်ၵဝ်ႇမီး လိူတ်ႈႁူဝ်လိူၼ်မႃးၼၼ်ႉ ယၢမ်ႈငိၼ်းပိူၼ်ႈလၢတ်ႈဝႃႈ ၼၢင်းယိင်းသင်ဝႃႈ လိူတ်ႈႁူဝ်လိူၼ်မႃးၸိုင်တႃးႁူဝ်ဢမ်ႇလႆႈယွၼ်ႉတေႁဵတ်းႁႂ်ႈပဵၼ်တွင်ႉ ၸဵပ်းလိူတ်ႈ၊ ႁူဝ်ၶႆႈႁူဝ်ၸဵပ်း ဢမ်ႇၼၼ် ႁဵတ်းႁႂ်ႈလွပ်ႈႁူဝ်လိူၼ်မႃးဢမ်ႇမၢၼ်ႇၶၢႆႉလိူၼ် ၶၢႆႉဝၼ်းမၼ်း ၸိူဝ်းၼႆႉယူႇ။

ၼႂ်းမၢင်ၸိူဝ်းၵေႃႈၽွင်းမိူဝ်ႈလိူတ်ႈႁူဝ်လိူၼ်မႃးၼၼ်ႉ သင်ဝႃႈတႃးႁူဝ်ၸိုင် တေႁဵတ်း ႁႂ်ႈလိူတ်ႈႁူဝ်လိူၼ် ၵိုတ်းၵႂႃႇၼႆၵေႃႈဝႃႈယဝ်ႉ။

ၵူၺ်းၵႃႈ ၼင်ႇလၢတ်ႈမႃးၸိူဝ်းၼၼ်ႉ ဢမ်ႇၵဵဝ်ႇသင်ၵၼ်။ ၼၢင်းယိင်းယူႇလႆႈႁဵတ်းလႆႈ မိူၼ်ပၵ်းၵဝ်ႇ ပိူင်ၵဝ်ႇ ၵူႈလွင်ႈ၊ ဢမ်ႇဝႃႈပဵၼ်ၶၢဝ်းယၢမ်းလိူတ်ႈႁူဝ်လိူၼ်မႃး ဢမ်ႇမႃး၊ လိူတ်ႈႁူဝ်လိူၼ်မႃးၵေႃႈ ဢၢပ်ႇ ၼမ်ႉလႄႈတႃးႁူဝ်လႆႈမိူၼ်ၵဝ်ႇယူႇ။

ၵူၺ်းၵႃႈၵွပ်ႈသင်လႄႈ ပေႃးလိူတ်ႈႁူဝ်လိူၼ်မႃး ၼၢင်းယိင်းပဵၼ်ႁူဝ်ၶႆႈႁူဝ်ၸဵပ်းဢၼ်ဝႃႈ ၼၼ်ႉ ၽွင်း လိူတ်ႈႁူဝ်လိူၼ်ၼၢင်းယိင်းမႃးၼၼ်ႉမၼ်း ပဵၼ်ယွၼ်ႉလိူတ်ႈၼႂ်းတူဝ် ၼၢင်း ယိင်း မီးလွင်ႈတူင်ႉၼိုင် ၼမ်ၶိုၼ်ႈ ၵွပ်ႈဝႃႈလိူတ်ႈၼႂ်းတူဝ်ၶိင်း ၼၢင်းယိင်းတီႈၼိုင်ႈတေလႆ ၵႂႃႇလဵင်ႉၼႂ်းဢွင်ႈတူဝ် ၶိင်း ၼၢင်းယိင်း တီႈၼိုင်ႈလႄႈလိူတ်ႈဢၼ်လႆႈလဵင်ႉမၢင်တီႈမၼ်း ယွမ်းလူင်းသေ ႁဵတ်းႁႂ်ႈႁူဝ်ၶႆႈ ႁူဝ်မဝ်း ဢိတ်းဢွတ်းၼၼ်ႉယဝ်ႉ။

ၵူၺ်းၵႃႈလွင်ႈပဵၼ်ၸိူင်ႉၼၼ်ၼၼ်ႉမၼ်းဢမ်ႇၵဵဝ်ႇၵၼ်တင်းလိူတ်ႈႁူဝ်လိူၼ်ၼၢင်းယိင်း ၽွင်းမႃးယူႇ လႄႈ ၵႂႃႇတႃးႁူဝ်သေပဵၼ်မႃးတၢင်းပဵၼ်ဢၼ်ၼႆႉ။

ဢိင်ၼိူဝ်လွင်ႈၼႆႉသေ ၶႂ်ႈၽၢၵ်ႇထိုင်ၼၢင်းယိင်းၵူႈၵေႃႉၸိူဝ်းတိုၵ်ႉယူႇၼႂ်းသႅၼ်းပၢၼ် ဢၼ် မီးလိူတ်ႈ ႁူဝ်လိူၼ်။ ၽွင်းယၢမ်းလိူတ်ႈႁူဝ်လိူၼ်လူင်း(မႃး)ယူႇၼၼ်ႉႁႂ်ႈလုမ်းလႃးတူၺ်း ထိုင်ပၢႆးယူႇလီ တူဝ်ၵဝ်ႇ ႁႂ်ႈလီ၊ ဢမ်ႇဝႃႈလွင်ႈမူတ်းသႂ်လႄႈ လွင်ႈၵၢၼ်တူၺ်းထိုင်တူဝ်ၵဝ်ႇ ၼင်ႇႁိုဝ်တေပဵၼ်ၽွၼ်းလီ တႃႇတူဝ် ၵဝ်ႇလႄႈပၢႆးယူႇလီတူဝ်ၵဝ်ႇ ၼၼ်ႉယဝ်ႉ။