ၶၢဝ်ႇမိူင်းတႆး

သိုၵ်းမၢၼ်ႈ ပႄႉၵိၼ်ၵူၼ်းမိူင်း ၼႂ်းၵႄႈၵၢင် ၶူဝ်လမ် ၵဵင်းတွင်း

မိူဝ်ႈဝၼ်းထိ 11/7/2011 ပူၼ်ႉမႃးသိုၵ်းမၢၼ်ႈတပ်ႉ 574 ၵဵင်းတွင်းဢၼ် ၵႂႃႇပၵ်းတပ်ႉၽႄဝႆႉတီႈ 21 လၵ်းၼိူဝ်သဵၼ်ႈ တၢင်းလူင် ၼႂ်းၵႄႈၵၢင်ၵဵင်း တွင်း ၶူဝ်လမ် တဵၵ်းတဵင် ယွၼ်းၵိၼ် ၵႆႇၵူၼ်းဝၢၼ်ႈ မၢၵ်ႇလၢင်းဝၢၼ်ႈဢၼ် မီးတၢင်းဢွၵ်ႇ တပ်ႉ မၢၼ်ႈ၊ လႆႈသၢင်းၵႆႇပၼ် 6 ၸွႆႉ သေလၢတ်ႈဝႃႈတႄႇဢဝ် ၼႆႉၵႂႃႇယႃႇႁႂ်ႈလႆႈမႃးယွၼ်းၵူၺ်းၼႆ။

သိုၵ်းမၢၼ်ႈလၢတ်ႈဝႃႈ ပေႃးဝႃႈတပ်ႉၸုမ်း 574 တိုၵ်ႉပႂ်ႉဝႆႉတီႈၼႆႈၸဵတ်း ဝၼ်း (ၼိုင်ႈဝူင်ႈ)ႁႂ်ႈလႆႈၵႂႃႇ သၢင်းပၼ်ၵႆႇ 3 ၸွႆႉလႄႈၼမ်ႉမၼ်း ၽၵ်းမီႇ မၢၵ်ႇၶူဝ်သူမ်ႈ သင်မီးလဝ်ႈၵေႃႈႁႂ်ႈဢဝ်ၵႂႃႇပၼ်ပႃးၼႆ ။ 
သိုၵ်းမၢၼ်ႈတပ်ႉ 574 ၸုမ်းၼႆႉၸူဝ်ႈၶဝ် မႃးယူႇတီႈၼႆႈမၢင်ပွၵ်ႈပေႃးၶၢဝ်ႇ ငၢဝ်းဢမ်ႇပေႃးလီ သုၵ်ႉသၵ်ႉၸိုင်မႃးႁွင်ႉၵူၼ်း ဝၢၼ်ႈၵႂႃႇယူႇပႂ်ႉၸွမ်းၶဝ် 4-5 ၵေႃႉ၊ မၢင်ပွၵ်ႈ ၵေႃႈပေႃးၶဝ်သွၵ်ႈတဝ်ၸွမ်းထိူၼ်ႇသမ်ႉလႆႈၵႂႃႇဢွၼ် တၢင်းၶဝ်သူင်ႇတၢင်း ၶဝ်၊ မၢင်ပွၵ်ႈပၢႆလႆႈႁၢပ်ႇၶူဝ်းၶဝ်ပႃး၊ ပေႃးၽႂ်မီးလူတ်ႉ ၶိူင်ႈလႆႈဢဝ်ၵႂႃႇဝႆႉပၼ်ၶဝ် ၼိုင်ႈဝၼ်းၼိုင်ႈၵၼ်းပၼ်ႇပုတ်ႈၵၼ် ၼႆယဝ်ႉ။

ၵူၼ်းမိူင်းၼႂ်းပိုၼ်ႉတီႈလၢတ်ႈဝႃႈ “သိုၵ်းမၢၼ်ႈၸုမ်းၼႆႉၶႂ်ႈႁၢႆႉလိူဝ်တၢင်ႇၸုမ်း မၢင်ၸုမ်းမၢင်တပ်ႉတႄႉပိူၼ်ႈမႃးယူႇတီႈၼႆႈ ၵေႃႈဢမ်ႇပေႃးမိူၼ်ၸုမ်းၶဝ် ၼႆႉ၊ ၸုမ်းၶဝ်ၼႆႉပိူၼ်ႈၵႂႃႇပိူၼ်ႈမႃးၸွမ်းတၢင်းၶီႇလူတ်ႉၶီႈၵႃးၵေႃႈၵူတ်ႇ ၵျၢမ်းဝႆႉသွၵ်ႈသွၵ်ႈ တဝ်တဝ် ထူၵ်းထူင်ထူၵ်းၶူဝ်းပိူၼ်ႈတႃႇသေႇ” ဝႃႈၼႆ။

သိုပ်ႇလၢတ်ႈဝႃႈ မၢင်ပွၵ်ႈမၢင်လႂ်ၵႆႉၵိုတ်းလူတ်ႉၵႆႉၵိုတ်းၵႃးပိူၼ်ႈၸႂ်ႉပိူၼ်ႈယူႇ ဝႆႉၸွမ်းၶဝ် ဢိုပ်းၶဝ်ႈ ဢိုပ်းၼမ်ႉပဵၼ်ဝၼ်း သွင်ဝၼ်းၵေႃႈမီး၊ တင်ႈၸႂ်ၶႂ်ႈၶႃ တူဝ်ၶႃၸႂ် တင်ႈၸႂ်ၶႂ်ႈႁဵတ်းႁႅင်းၵူၼ်းဝၢၼ်ႈ ၵူၼ်းမိူင်းၵူၺ်း ၼႆ။

ၸူဝ်ႈတင်ႈဝဵင်းမႂ်ႇၶူဝ်လမ်ၶိုၼ်ႈမႃးၼႆႉသိုၵ်းမၢၼ်ႈႁၢႆႉမိူၵ်ႈမႂ်ႈတေႃႇၵူၼ်းဝၢၼ်ႈ ၵူၼ်းမိူင်းမႃး လႄႈ လႄႈၵႆႉပဵၼ်ပၢင်တိုၵ်း ၵၼ် တင်းသိုၵ်းတႆးၼႆယဝ်ႉ ။