ၶၢဝ်ႇမိူင်းတႆး

ၵူၼ်း​ဝၢၼ်ႈၼႂ်း​ၸႄႈ​ဝဵင်း​ၵုၼ်​ႁဵင် ထုၵ်ႇ​သိုၵ်း​မၢၼ်ႈ တဵၵ်းၸႂ်ႉ​ၶၢႆႉ​ဝၢၼ်ႈ

သိုၵ်း​မၢၼ်ႈ​တပ်ႉ (ၶ​မ​ရ) 246 ၸီႉ​သင်ႇ ၵူၼ်း​ဝၢၼ်ႈ 6 ဝၢၼ်ႈ ၼႂ်း​ၸႄႈ​ဝဵင်း​ၵုၼ်​ႁဵင် ပွတ်း​ၸိူဝ်း​သဵၼ်ႈ တၢင်း ၵုၼ်​ႁဵင် ၼမ်ႉ​ၸၢင်​ၸိူဝ်း​ၼၼ်ႉ ၶၢႆႉႁႂ်ႈ​ယဝ်ႉၼႂ်း​ၶၢဝ်း​တၢင်း​ဝၼ်း​ထီႉ 31/Much 2011 ၼႆႉ ၼႆ။

မူႇ​ဝၢၼ်ႈ​ၸိူဝ်း​ယူႇၼႂ်း​ၸႄႈ​ဝဵင်း​ၵုၼ်​ႁဵင် ၼၼ်ႉ​တေ​လႆႈ​ၶၢႆႉ​ဝၢၼ်ႈ ၸွမ်း​ၼင်ႇ​ၶေႃႈ​ၸီႉ​သင်ႇ ဝႃႈ​ၼႆ။ၵူၼ်း ၼႂ်း​ၵုၼ်​ႁဵင်​ၵေႃႉ​ၼိုင်ႈ​လၢတ်ႈ​ဝႃႈ “ ႁႂ်ႈ​ၶၢႆႉ​ၵႂႃႇ​ယူႇ​ၸမ်​တၢင်း​လူင် ၼင်ႇ​ႁိုဝ်​ၸုမ်း​သိုၵ်း​လုၵ်ႉ​ၽိုၼ်ႉ ၶဝ်​တေ ဢမ်ႇ​ၸၢင်ႈ​မႃး​ယွၼ်း​တၢင်း​ၸွႆႈ​ထႅမ်​သင်​လႆႈ”ဝႃႈ​ၼႆ။

ၼၢင်း​ယိင်း ၵေႃႉ​ၼိုင်ႈ​လၢတ်ႈ​ဝႃႈ “မႅၼ်ႈ​ၽွင်း​ၾူၼ်​လူင်​ယူႇ​ၵေႃႈ ၵႃႈ​တေ​လႆႈ​ၶၢႆႉ​ယဝ်ႉ” ဝႃႈ​ၼႆ။ ဢၼ်​လႆႈ ၶၢႆႇ​ပွၵ်ႈ​ၼႆႉ ယွၼ်ႉ​ပိူဝ်ႈ​ဝႃႈ ၸုမ်း​တပ်ႉ​သိုၵ်း​ၸိုင်ႈ​တႆး​ပွတ်း​ၸၢၼ်း​လႄႈ​သိုၵ်း​မၢၼ်ႈ​တပ်ႉ ၶ​မ​ရ 246 တင်း ၶ​မ​ရ 524 ၶဝ် ပဵၼ်​ပၢင်​တိုၵ်း​ၵၼ် တီႈၼႂ်း​ၸႄႈ​ဝဵင်း​ၶူဝ်​လမ် မိူဝ်ႈ​ဝၼ်း​ထီႉ 10-11-Much,2011ၼၼ်ႉ သေ ဝၢႆး​ၼၼ်ႉ​သိုၵ်း​မၢၼ်ႈ​ၸင်ႇၸႂ်ႉ​ၶၢႆႉ​ဝၢၼ်ႈ​ဝႃႈ​ၼႆ​ယဝ်ႉ။

မိူဝ်ႈ ဝူင်ႈ​ပူၼ်ႉ​မႃး​ၼၼ်ႉ​ၵေႃႈ ၸိုမ်း​သိုၵ်း​မၢၼ်ႈ​တင်း ၸုမ်း​သိုၵ်း​တႆး​ပွတ်း​ႁွင်ႇ​ပဵၼ်​ပၢင်​တိုၵ်း​ၵၼ်​သေ ၵူၼ်း ဝၢၼ်ႈ ပွတ်း​ၸိူဝ်း​ဢိူင်ႇ​မိူင်း​ၵၢဝ် ၼမ်ႉ​လဝ်း​ၸိူဝ်း​ၼႆႉ ထုၵ်ႇ​သိုၵ်း​မၢၼ်ႈ​တီႉ​ၺွပ်း​ႁၢပ်ႇ​ၶျေႃး ပၼ်​ၶဝ် ယူႇ​ဝႃႈ​ၼႆ။

ၵူၼ်း မိူင်း​ပွတ်း​ၸိူဝ်း ၼမ်ႉ​လဝ်း ထုၵ်ႇ​သိုၵ်း​မၢၼ်ႈ​တဵၵ်းၸႂ်ႉ​ႁၢပ်ႇ​ၶျေႃး​ၵူၺ်း​ဢမ်ႇ​ၵႃး ယင်းႁႂ်ႈ​ၼႄ​တၢင်း တႃႇ တဝ်​ႁႃ သိုၵ်း​တႆး​ယူႇ​ဝႃႈ​ၼႆ။

ၶေႃႈ​မုၼ်း​တီႈ             www.dvb.no