ၶၢဝ်ႇမိူင်းတႆး
ဢီႊရၼ်ႊႁၢင်ႈႁႅၼ်းတႃႇပၢင်ဢုပ်ႇဢူဝ်းလွင်ႈ ၼိဝ်ႊၶလီႊယိူဝ်ႊ
- Details
- Published on Thursday, 08 July 2010 13:16
- Written by ႁဵဝ်းႁွမ်
မိူင်းဢီႊရၼ်ႊ ႁၢင်ႈႁႅၼ်းတႃႇဢုပ်ႇလွင်ႈၼိဝ်ႊၶလီႊယိူဝ်ႊ ၸွမ်းမိူင်းဢႃႇၼႃႇဢဵၼ်ႁႅင်းယႂ်ႇႁူၵ်းမိူင်းၼႆ ၶၢဝ်ႇ ABC ၼေဝႆႉ။
မိူင်းဢီႊရၼ်ႊ ၼႆႉပဵၼ်မိူင်းဢၼ်ႁဵတ်းသၢင်ႈၼိဝ်ႊၶလီႊယိူဝ်ႊယႂ်ႇသုတ်း ဝႃႈၼႆ။ သႃႊဢိတ်ႊၸႃႊလီႊလီႊ (Saeed Jalili) လၢတ်ႈဝႃႈ လႆႈႁၢင်ႈႁႅၼ်းတႃႇဢုပ်ႇဢူဝ်းလွင်ႈၼိဝ်ႊၶလီႊယိူဝ်ႊ ၼႂ်းလိူၼ် သႅပ်ႊထႅမ်ႊပိူဝ်ႊ (September) ဝၼ်းထိ 1 တီႈဝဵင်းလူင် ထေႊရၼ်ႊ (Tehran) ၼႂ်းၸိုင်ႈမိူင်း ဢီႊရၼ်ႊ ၼႆယဝ်ႉ။
သႃႊဢိတ်ႊ ၸႃႊလီႊလီႊ လႆႈသူင်ႇလိၵ်ႈထိုင် ၶႅတ်ႊတရိၼ်ႊ ဢႅတ်ႊသျ်တၼ်ႊ (Catherine Ashton) ႁူဝ်ၼႃႈ ၽူႈၵပ်းသၢၼ်ၽၢႆႇၼွၵ်ႈမိူင်း ၸၢတ်ႈၸိုင်ႈႁူမ်ႈတုမ် ယူႊရူပ်ႊ (European Union) ၵဵဝ်ႇလူၺ်ႈလွင်ႈ ၼိဝ်ႊၶလီႊ ယိူဝ်း ႁႂ်ႈၸႅင်ႈလႅင်းလီၼႆ။
ဢႅတ်ႊသျ်တၼ်ႊ (Ashton) လႆႈပဵၼ်ၽူႈတၢင်တူဝ်ၸိုင်ႈမိူင်းဢင်းၵိတ်း (Britain)၊ ၾရင်ႊသဵတ်ႊ၊ ရတ်ႊ သျိဝ်ႊ၊ မိူင်းၶႄႇ၊ ၵျိဝ်ႊမၼီႊ တင်း ဢမေႊရိၵၢၼ်ႊ (US) သေဢုပ်ႇဢူဝ်းၸွမ်းမိူင်းဢီႊရၼ်ႊ ဝႃႈၼႆ။
