ၶၢဝ်ႇလုမ်ႈၾႃႉ
US သင်ႇသိုၵ်း 100,000 ဢွၵ်ႇၵၢၼ် ၵူၺ်းတေထႅမ်ႁႅင်း သိုၵ်းၼႂ်းၵုၼ်ဢေးသျႃး
- Details
- Published on Monday, 30 January 2012 13:48
- Written by သႅင်ႁၢၼ်
ၽွင်းလူင်ၽၢႆႇၵႅတ်ႇၶႄ ဢမေႊရိၵၢၼ်ႊပိုၼ်ၽၢဝ်ႇ ဝႃႈတေလူတ်း(ၶျေႃႉ)ယွမ်းဢဵၼ်ႁႅင်း တပ်ႉ သိုၵ်း လူင်းပွၵ်ႈယႂ်ႇ ၵူၺ်းတေထႅမ်ႁႅင်းသိုၵ်းၶဝ်ႈၼႂ်းၵုၼ်ဢေးသျႃး-ပႄးသိၵ်ႉၾိၵ်ႊ ပိူဝ်ႈတႃႇ ႁႄႉၵင်ႈ ၸၼ်ဢႃႇၼႃႇလွင်ႈၽိူမ်ႉထႅမ် တပ်ႉသိုၵ်းၶႄႇ ၼႆ။
လေႊဢွၼ်ႊ ၽႃႊၼဵတ်ႇတႃႉ ၽွင်းလူင်ၽၢႆႇၵႅတ်ႇၶႄ ၶွင်ဢမေႊရိၵၢၼ်ႊဝႃႈ တေမေးၶူင်သၢင်ႈ တပ်ႉသိုၵ်းလူၺ်ႈ တေထႅမ်ၸုမ်းသိုၵ်းၶိုၵ်ႉတွၼ်း ပိူဝ်ႈတႃႇပေႉပုၼ်ႈၽူႈၶႅၼ် ဢၼ်တေ ၸၢင်ႈ ပူၼ်ႉပႅၼ်ၽႅၼ်ႇလိၼ် ဝႃႈၼႆ။
လူင်ပွင်ၸိုင်ႈၶွင် ၸွမ်ၸိုင်ႈပႃးရၵ်ႉဢူဝ်ပႃးမႃး ဝၢင်းၽႅၼ်တေလူတ်းယွမ်းငိုၼ်းတိုၼ်း တႃႇၸႂ်ႉ ၸၢႆႇ ၶွင်တပ်ႉသိုၵ်း 4.87 သႅၼ်လၢၼ်ႉဢ မေႊရိၵၢၼ်ႊတေႃႊလႃႊၼႂ်းၶၢဝ်းတၢင်း 10 ပီ တၢင်းၼႃႈ ပိူဝ်ႈတႃႇလူတ်းငိုၼ်းတိုၼ်းၶၢတ်ႇ(Budget Deficit) ၼႂ်း 5 ပီၼႆႉ။ တပ်ႉလိၼ် တေလူတ်းႁႅင်းသိုၵ်း လုၵ်ႉတီႈသုင်သုတ်း 570,000 ၵေႃႉ လိူဝ် 490,000 ၵေႃႉ၊ တပ်ႉၼမ်ႉ တေလူတ်းလူင်း 20,000 ၵေႃႉ လိူဝ် 182,000 ၵေႃႉဝႃႈၼႆ။
ငိုၼ်းတိုၼ်းၽၢႆႇၵႅတ်ႇၶႄ တေမီးၵၢၼ်ၽိူမ်ႉၶိုၼ်ႈလွႆးလွႆး။ ၵူၺ်းၵႃႈ ၼႂ်းပီ 2017 ၼႆႉတေယူႇ တီႈ 5.67 သႅၼ် လၢၼ်ႉဢမေႊရိၵၢၼ်ႊတေႃႊ လႃႊ။ လိူဝ်သေၼၼ်ႉၼႂ်း 5 ပီ တၢင်းၼႃႈၼႆႉ တေမီးၵၢၼ်ထွၼ်ႁႅင်းသိုၵ်းဢွၵ်ႇ ၵုၼ်ယူႊရူပ်ႊၵမ်ႈၽွင်ႈပွၵ်ႈၶိုၼ်းမိူင်း။
ၽႃႊၼဵတ်ႇတႃႉ လၢတ်ႈထႅင်ႈဝႃႈ ဢမေႊရိၵၢၼ်ႊတိုၵ်ႉတေသိုပ်ႇသိုဝ်ႉၶိူင်ႈမိၼ်တိုၵ်း F-35 ယူႇ၊ ၵူၺ်းတေၵိုတ်း သိုဝ်ႉၶိူင်ႈမိၼ်တိုၵ်း ဢၼ် ႁၢမ်းၵူၼ်းႁေႃႈဝႆႉၵွၼ်ႇ ဝႃႈၼႆယဝ်ႉ။ ယွၼ်ႉမိူဝ်းၼႃႈ တေလူတ်းယွမ်းလွင်ႈသူၼ်ၸႂ် ၼႂ်း မိူင်းဢီႊရၵ်ႉ လႄႈ ဢၢပ်ႉၾ်ၵၢၼ်ႊၼိတ်ႉသ် ထၢၼ်ႊ သေတေယိူင်းမႃးတီႈၼႃႈလိၼ်ဢၼ်ပဵၼ်ၽွၼ်းလီသုတ်း ၶွင်ၸိုင်ႈမိူင်း၊ ႁူမ်ႈထိုင်ၵၢၼ်ဝၢင်းဢဵၼ်ႁႅင်း ဝႆႉၼႂ်းၵုၼ်ဢေးသျႃး။
ဢမေႊရိၵၢၼ်ႊ တေသိုပ်ႇတူင်ႉၼိုင်ယူႇၼႂ်းမိူင်းၵျႃႊပၢၼ်ႊ၊ ၵူဝ်ႊရီးယႃးၸၢၼ်း လႄႈ တေပၵ်းတပ်ႉၼမ်ႉဢိၵ်ႇ တင်းႁိူဝ်းတိုၵ်းဝႆႉၼႂ်းမိူင်း ဢွတ်ႉသ်တီးလီးယႃး၊ သိင်ႊၶပူႊ ပိူဝ်ႈတႃႇႁႄႉၵင်ႈ ၸၼ်ဢႃႇၼႃႇၶႄႇႁူမ်ႈထိုင်ၸုမ်းသိုၵ်း ၶိုၵ်ႉတွၼ်း၊ ၸုမ်းဢၼ်ၸၢင်ႈၶႃႈႁႅမ် ဢူႊသမႃႊ ပိၼ်ႊလႃႇတိၼ်ႊ မိူဝ်ႈပီပူၼ်ႉ၊ ၸုမ်းၸွႆႈလိူဝ် ၵူၼ်းဢမေႊရိၵၢၼ်ႊ ၼႂ်းမိူင်းသူဝ်ႊ မႃးလီးယႃး ၸိူဝ်းၼႆႉတေထုၵ်ႇသူင်ႇၵႂႃႇတူင်ႉ ၼိုင်ၼႂ်း ပတ်ႉပိုၼ်ႉလုမ်ႈၾႃႉဝႃႈၼႆယဝ်ႉ။
