ၶၢဝ်ႇလုမ်ႈၾႃႉ
ဢိၼ်ႊတီႊယႃႊ တေသိုဝ်ႉၶိူင်ႈမိၼ်တိုၵ်း “ရႃႊၾႃႊလ်” 126 လမ်းတီႈၾရင်ႇသဵတ်ႊ
- Details
- Published on Thursday, 02 February 2012 17:16
- Written by သႅင်ႁၢၼ်
ဢိၼ်ႊတီႊယႃႊ တေသိုဝ်ႉၶိူင်ႈမိၼ်တိုၵ်း “ရႃႊၾႃႊလ်” 126 လမ်းတီႈၾရင်ႊသဵတ်ႊ ပိူဝ်ႈတႃႇမႃး တႅၼ်း တီႈ ၶိူင်ႈမိၼ်တိုၵ်းၵဝ်ႇဢၼ်သိုဝ်ႉမႃးတီႈမိူင်းရတ်ႊသျႃႊ လႄႈ တေၸႂ်ႉပဵၼ်ပိူင်လူင်ၼႂ်း တပ်ႉသိုၵ်းၵႂႃႇ ၼႆ။
ၸုမ်းၶၢဝ်ႇၼွၵ်ႈမိူင်းလၢႆးငၢၼ်းမိူဝ်ႈဝၼ်းထိ 1.02.12 ဝႃႈ လူင်ပွင်ၸိုင်ႈမိူင်း ဢိၼ်ႊတီႊယႃႊ တိုၵ်ႉ ဢုပ်ႇ ဢူဝ်း ပိူဝ်ႈတႃႇသိုဝ်ႉၶိူင်ႈမိၼ်တိုၵ်း “ရႃႊၾႃႊလ်” (Rafale) ၶွင်ၶွမ်ႊ ပၼီႊ ၶႅတ်ႉသ်သဝ်ႉထ် ဢႃႊဝီးယႃး သွင်းၵေႃႉႁဵတ်း ဢွၵ်ႇၶိူင်ႈမိၼ်တိုၵ်းၶွင်ၸိုင်ႈမိူင်းၾရင်ႊသဵတ်ႊ မွၵ်ႈ 126 လမ်း လႄႈမီးၵႃႈၶၼ်သုင်လိူဝ် 1မိုၼ်ႇလၢၼ်ႉတေႃႊ လႃႊဢမေႊရိၵၢၼ်ႊ တႃႇၸႂ်ႉပဵၼ်ပိူင်လူင်ၼႂ်းတပ်ႉၵၢဝ်ႁၢဝ်ၵႂႃႇဝႃႈၼႆ။
ဢိၼ်ႊတီႊယႃႊ တေဢဝ်ၶိူင်ႈမိၼ်တိုၵ်း “ရႃႊၾႃႊလ်” တႃႇမႃးတႅၼ်းဢၼ်ၵဝ်ႇ “မိၵ်ႉ-21” (Mig-21)ဢၼ်လႆႈ သိုဝ်ႉတီႈမိူင်းရတ်ႊသျႃႊ လႄႈပဵၼ်မိူင်း ဢၼ်ဢိၼ်ႊတီႊယႃႊ ၵႆႉၵပ်းသိုပ်ႇသိုဝ်ႉၶိူင်ႈ ၵွင်ႈၵၢင်ႇလၢၵ်ႈၼၢၵ်ႈ ၸွမ်းတႃႇသေႇ။ ၵူၺ်းဝၢႆးၼႆႉ ဢိၼ်ႊတီႊယႃႊ ႁႃတၢင်ႇမိူင်းတႅၼ်း မိူၼ်ၼင်ႇ ဢမေႊရိ ၵၢၼ်ႊ လႄႈမိူင်းယူႊ ရူပ်ႊၼမ်ၶိုၼ်ႈ ပိူဝ်ႈတႃႇႁႃသိုဝ်ႉၶိူင်ႈၵွင်ႈၵၢင်ႇလၢၵ်ႈၼၢၵ်ႈ၊ ႁႂ်ႈတပ်ႉသိုၵ်းမီး ၶိူင်ႈမိုဝ်းၶိုတ်းၵၢပ်ႈဝႃႈၼႆ။
