ၶၢဝ်ႇလုမ်ႈၾႃႉ
ၼမ်ႉထူမ်ႈယွၼ်ႉၽၢႆၵူၼ်ႇ ၼႂ်းမိူင်းၼႆႊၵျီးရီးယႃး ၵူၼ်းတၢႆပၢၵ်ႇပၢႆ
- Details
- Published on Friday, 02 September 2011 12:06
- Written by သႅင်ႁၢၼ်
ၸုမ်း Red Cross ၼႂ်းပိုၼ်ႉတီႈမိူင်းၼႆႊၵျီးရီးယႃး လၢတ်ႈတီႈၸုမ်းၶၢဝ်ႇ AFP ဝႃႈမိူဝ်ႈဝၼ်းထိ 31.08.2011 ပူၼ်ႉမႃး မီးၵူၼ်းမိူင်းတၢႆယွၼ်ႉၽၢႆၵူၼ်ႇ တီႈဢေႇသုတ်း 102 ၵေႃႉယွၼ်ႉၾူၼ် တူၵ်း ႁႅင်းလႄႈၼမ်ႉထူမ်ႈ ပွတ်းၸဵင်ႇၸၢၼ်းဝၼ်းတူၵ်းၶွင်ၸိုင်ႈမိူင်းၼႆ။
ဢူႊမႃး မႆးရိၵႃႊ ၽူႈၵပ်းသၢၼ်ၵၢၼ်ၽေးသႃႇၽႃႇဝၸုမ်း Red cross ၼႆႊၵျီးရီးယႃး ဝႃႈသၢႆမၢႆ ၵူၼ်း တၢႆမိူဝ်ႈလဵဝ်မီး 102 ၵေႃႉၼႆ။
မၼ်းၸၢႆးလၢတ်ႈထႅင်ႈဝႃႈ မိူဝ်ႈပူၼ်ႉမႃးဝၼ်းထိ 28.08.2011 ၼႆႉၽၢႆဢဵဝ်ႊလ်ယေႊလေႊ ၵူၼ်ႇပင်းလူင်းမႃး လႄႈ ၼမ်ႉလႆႈၶဝ်ႈၽတ်ႉၶူဝ်ႁၢႆလၢႆတီႈဝၢႆးၾူၼ်တူၵ်းႁၢဝ်ႉႁႅင်းပဵၼ် 7 ၸူဝ်ႈ မူင်း ထပ်းၵၼ် ၼႂ်းမိူင်းဢိပႃႊတၼ်ႊ ၼႆယဝ်ႉ။
ၸုမ်းၸတ်းၵၢၼ်လွင်ႈၽေးၶိုၵ်ႉၶၵ်ႉၶဝ်လၢတ်ႈဝႃႈ ယုၵ်းယၢၵ်းဢိုတ်းတၼ် တေႃႈၼမ်ႉၼၼ်ႉ လႄႈႁဵတ်း ႁႂ်ႈၼမ်ႉဢမ်ႇၸၢင်ႈလႆၼႂ်းမိူင်းၼၼ်ႉ သေႁဵတ်းႁႂ်ႈမိူင်းဢိပႃႊတၼ်ႊထုၵ်ႇၼမ်ႉ ထူမ်ႈသုင်ထိုင် 8 မီႊတိူဝ်ႊ ယဝ်ႉ ႁဵတ်းႁႂ်ႈၵူၼ်းမိူင်းႁၢမ်းတီႈယူႇတင်းၼမ်ဝႃႈၼႆယဝ်ႉ။
