ၶၢဝ်ႇလုမ်ႈၾႃႉ
လူတ်ႉ (ၵႃး) တီႈမိူင်းၽီႊလိပ်ႊ ပိၼ်ႊ (Philippines) ပိၼ်ႈ ၵူၼ်းတၢႆ 41 ၵေႃႉ လွတ်ႈ 9 ၵေႃႉ
- Details
- Published on Thursday, 19 August 2010 15:35
- Written by ႁဵဝ်းႁွမ်
မိူဝ်ႈဝၼ်းထိ 18.8.2010 ဝၼ်းပုတ်ႉၼႆႉ ၵႃးတၢင်ႇၵူၼ်းတီႈမိူင်းၽီႊလိပ်ႊပိၼ်ႊ ပိၼ်ႈတူၵ်းလွႆ လႄႈမီး ၵူၼ်းတၢႆ 41 ၵေႃႉ ၼႆ ၸဝ်ႈၼႃႈတီႈလၢတ်ႈ ၼႂ်းပိုၼ်ႉတီႈလၢတ်ႈ။
လူတ်ႉ(ၵႃး)ပိၼ်ႈပွၵ်ႈၼႆႉမီးၵူၼ်း 9 ၵေႃႉလႄႈလုၵ်ႈဢွၼ်ႇၸၢႆး ဢႃယု 10 ၶူပ်ႇလွတ်ႈၽေး၊ တေႃႉသူင်ႇ ႁူင်းယႃ 8 ၵေႃႉ။ ၵူၼ်းႁေႃႈလူတ်ႉ(ၵႃး) ၶႃႁၢၵ်း ၼႆယဝ်ႉ။
ၵႃးလမ်းဢၼ်ပိၼ်ႈၼႆႉ တၢင်ႇၵူၼ်းမွၵ်ႈ 50။ လုၵ်ႉတီႈဝဵင်းပႃႊၵျီႊယူဝ်ႊ (Baguio) မႃး။ တီႈၵႃးပိၼ်ႈၼၼ်ႉ ၵႆၵၼ်တင်းဝဵင်းသႅပ်ႊလႅၼ်ႊ (Sablan) 8 လၵ်း (12 Kilometers) ၼႆ။
ၼႂ်းမိူင်းၽီႊလိပ်ႊပိၼ်ႊၼႆႉ မိူဝ်ႈလိူၼ်ပူၼ်ႉမႃးမီးၵူၼ်းတၢႆယွၼ်ႉလူတ်ႉ (ၵႃး)ပိၼ်ႈ 15 ၵေႃႉ။ မိူဝ်ႈႁူဝ် လိူၼ်ၼႆႉၵေႃႈ လူတ်ႉ(ၵႃး)လုၵ်ႈႁဵၼ်း ပၢႆးယႃႈယႃ (medical) ပိၼ်ႈၸမ်ဝဵင်းၶေႊပူႊ (Cebu) ပွတ်းၵၢင် လႄႈ မီးၵူၼ်းတၢႆ 21 ၵေႃႉၼင်ႇၵဝ်ႇ ဝႃႈၼႆယဝ်ႉ။
