ၶၢဝ်ႇလုမ်ႈၾႃႉ
ၼမ်ႉထူမ်ႈမိူင်းပႃႊၵိတ်ႊသ်တၢၼ်ႊ ၵူၼ်းတၢႆ 1100 ၵေႃႉပၢႆယဝ်ႉ
- Details
- Published on Tuesday, 03 August 2010 16:12
- Written by သႅင်ႁၢၼ်
သၢႆမၢႆၵူၼ်းတၢႆယွၼ်ႉၼမ်ႉထူမ်ႈပွၵ်ႈႁၢဝ်ႉႁႅင်းသုတ်း တီႈမိူင်းပႃႊၵိတ်ႊသ်တၢၼ်ႊ မီး 1100 ၵေႃႉပၢႆယဝ်ႉ၊ၵူၼ်းမိူင်းမွၵ်ႈ 1 လၢၼ်ႉ 5 သႅၼ်ၵေႃႉ ထူၺ်းၽေးတၢင်းပဵၼ်ၶီႈႁၢၵ်ႈ (cholera) ဢၼ်ၽေႈလၢမ်းၼႂ်းပိုၼ်ႉတီႈ ထူပ်းၽေးသၽႃႇဝ ၼႂ်းမိူင်းတွမ်း ၶႆႊပိူဝ်ႊ ပၵ်ႇတူၼ်းဝႃး ၸဵင်ႇႁွင်ႇဝၼ်းတူၵ်းၸိုင်ႈမိူင်း လႄႈ ၶႅတ်ႉၶျ်မေးယ် ၼႆ။
မႆးဢၼ် ဢိပ်ႉၾ်တိၵ်ႊဢႃလ် ဢုတ်ႉသ်သဵၼ် ၽွင်းလူင်ၽၢႆႇၶၢဝ်ႇသၢၼ် ၶွင်ၸေႈတွၼ်ႈ ပိုတ်ႇ လၢတ်ႈဝႃႈ လူင်ပွင်ၸိုင်ႈလႆႈႁပ်ႉၶေႃႈမုၼ်းၵဵဝ်ႇလူၺ်ႈလွင်ႈလုသုမ်း သၢႆၸႂ် လႄႈ ၶူဝ်းၶွင် ၵူၼ်း မိူင်း ယွၼ်ႉၼမ်ႉထူမ်ႈတီႈၸေႈတွၼ်ႈသေ ႁဵတ်ႈႁႂ်ႈလႆႈမႆႈၸႂ်ဝႃႈ သၢႆမၢႆၵူၼ်းတၢႆတေ ၽိူမ်ႉၼမ် ၶိုၼ်ႈလိူဝ်ၼႆႉထႅင်ႈ ဝႃႈၼႆ။
ဢုတ်ႉသ်သဵၼ် သိုပ်ႇလၢတ်ႈဝႃႈ လင်ႁိူၼ်းမွၵ်ႈ 3ႇ700 လင်ထုၵ်ႇၼမ်ႉထူမ်ႈ ႁဵတ်းႁႂ်ႈၵူၼ်းႁၢမ်း တီႈယူႇၼမ်ၶိုၼ်ႈ လႄႈ ၵူၼ်းမိူင်းၸိူဝ်းလွတ်ႈလၢႆပၢၵ်ႇၵေႃႉ ၵေႃႈလႆႈၵႂႃႇလိုဝ်ႈသဝ်းတီႈ ႁူင်းႁဵၼ်း လၢႆလၢႆတီႈ ၼႂ်းမိူင်းပေးၶျဝႃႊလ် ဢၼ်ပဵၼ်မိူင်းလူင်ပွတ်းၸဵင်ႇႁွင်ႇဝၼ်းတူၵ်း ၶွင်ပႃႊၵိတ်ႊသ်တၢၼ်ႊ ၼႆယဝ်ႉ။
ၼႂ်းၽွင်းယၢမ်းလဵဝ်ၵၼ် ဢမေႊရိၵၢၼ်ႊ လႄႈ ၶေႇ ပိုၼ်ၽၢဝ်ႇဝႃႈတေၸွႆႈလိူဝ်ငိုၼ်း 10 တေႃႊလႃႊ လႄႈ တေသူင်ႇႁိူဝ်းမိၼ်မႅင်းမီႈ တင်း ႁိူဝ်းၶဝ်ႈၸွႆႈလိူဝ်ပႃႊၵိတ်ႊသ်တၢၼ်ႊ ဝႃႈၼႆယဝ်ႉ။
