ၶၢဝ်ႇလုမ်ႈၾႃႉ
ၼင်ၵဵဝ်ႇလူၺ်ႈ Obama တေပိုတ်ႇတီႈဢိၼ်ႊတူဝ်ႊ ၼီးသျိဝ်ႊ
- Details
- Published on Thursday, 01 July 2010 13:57
- Written by ႁဵဝ်းႁွမ်
ၼင်ဢၼ်ၵဵဝ်ႇလူၺ်ႈလွင်ႈ ပႃႊရႅၵ်ႊဢူဝ်ႊပႃးမႃႉ (Barrack Obama) ၸွမ်ၸိုင်ႈ မိူင်းဢမေႊရိၵၢၼ်ႊ ၽွင်းတိုၵ်ႉ ပဵၼ်လုၵ်ႈဢွၼ်ႇ ယူႇတီႈမိူင်း ဢိၼ်ႇတူဝ်ႊၼီးသျိဝ်ႊ ၼၼ်ႉ တေပိုတ်ႇၼေတီႈ ဝဵင်းလူင် ၸႃႊၶႃႊတႃႊ (Jakarta) ၼႆၶၢဝ်ႇ ABC ၼေဝႆႉ။
ၼင်ၼၼ်ႉ တေၼေလွင်ႈပိုၼ်းၵႅပ်ႈတူဝ် ၸွမ်ၸိုင်ႈဢူဝ်ႊပႃးမႃႉ ၽွင်းတိုၵ်ႉၵေႃႉလဵၵ်ႉတေႃႇပႃးထိုင်ပဵၼ် ၸၼ်ႉ ၸွမ်ၸိုင်ႈ မိူင်းႁူမ်ႈတုမ်ဢမေႊရိၵၢၼ်ႊ US ၼႆယဝ်ႉ။
ရႅမ်ႊပၼ်ႊၸႃႊပီႊ (Raam Punjabi) ၽူႈၵေႃႉႁဵတ်းၼင်ၵဵဝ်ႇလူၺ်ႈလွင်ႈဢူဝ်ႊပႃးမႃႉၼႆႉလၢတ်ႈဝႃႈ “တၢင်း ယိူင်းဢၢၼ်းဢၼ်ႁဝ်းႁဵတ်းၼႆႉ ပိူဝ်ႈတႃႇတူၺ်းထိုင် ၸၢတ်ႈပၢၼ်လုၵ်ႈဢွၼ်ႇၼၼ်ႉၵူၺ်း။ ႁဝ်းဢမ်ႇၶႂ်ႈႁႂ်ႈ မၼ်းၵဵဝ်ႇ ၸွမ်းၵၢၼ်မိူင်း။ လိူဝ်သေၼၼ်ႉ ႁဝ်းဢမ်ႇၶႂ်ႈၸႅၵ်ႇၽေလွင်ႈယုမ်ႇယမ် တၢင်းၽႃသႃတီႈၵိူဝ်းလီ (religion)။ ၵွပ်ႈ သင်ၼႆ မိူဝ်ႈလဵဝ်ၼႆႉ ၵမ်ႉပႃႈၼမ်ဢဝ်လွင်ႈယုမ်ႇယမ်ၽႃသႃမႃးၵဵဝ်ႇၶွင်ႈသေႁဵတ်းၶိူင်ႈ မိုဝ်းၸွမ်းၵၢၼ်မိူင်း” ဝႃႈၼႆ ယဝ်ႉ။
ၼင်ဢၼ်ၵဵဝ်ႇလူၺ်ႈ ပိုၼ်းဢူဝ်ႊပႃးမႃႉဢၼ်တေပိုတ်ႇၼေတီႈ ဝဵင်းလူင် ၸႃႊၶႃႊတႃႊ(Jakarta) ပွၵ်ႈၼႆႉ ပဵၼ်ပွၵ်ႈဢွၼ်တၢင်းသုတ်း ၼႆယဝ်ႉ။
