ၶၢဝ်ႇလုမ်ႈၾႃႉ

လိူၼ်ၼႆႉ ၽူႈသိုဝ်ႇၶၢဝ်ႇတၢႆၼမ်

ၸုမ်းႁဵတ်းၵၢၼ်သိုဝ်ႇလၢတ်ႈဝႃႈ ၼႂ်းလိူၼ်ဢေႊၽိူဝ်ႊၼႆႉၵူၺ်း မီးၽူႈသိုဝ်ႇၶၢဝ်ႇတၢႆႁူမ်ႈထိုင် 17 ၵေႃႉ လႄႈလႆႈ ဝႃႈၼမ်သုတ်းဢၼ်ယၢမ်ႈမီးမႃးၼႂ်းလုမ်ႈၾႃႉ ၼႂ်းၶၢဝ်းတၢင်း 5 ပီ ၼႆ။

သိုဝ်ႇၶၢဝ်ႇၼွၵ်ႈမိူင်းဢၢင်ႈဢိင်ဢဝ်ၶေႃႈပိုၼ်ၽၢဝ်ႇ ၸုမ်းၽၢႆႇလွင်ႈႁူမ်ႇလူမ်ႈၽူႈသိုဝ်ႇၶၢဝ်ႇ ၸိုင်ႈမိူင်းဢၼ်မီး ယူႇၼႂ်းဝဵင်းလၼ်ႊတၼ်ႊ မိူင်းဢင်းၵိတ်ႉသေ လၢႆးငၢၼ်းမိူဝ်ႈဝၼ်းထိ 28/04/10 ဝႃႈ ၼႂ်းလိူၼ်ဢေႊၽိူဝ်ႊၼႆႉ မီးၽူႈသိုဝ်ႇၶၢဝ်ႇတၢႆ 17 ၵေႃႉၸွတ်ႇတူဝ်ႈလုမ်ႈၾႃႉ လႄႈ လႆႈဝႃႈၼမ်သုတ်းၼႂ်းၶၢဝ်းတၢင်း 5 ပီပူၼ်ႉမႃးၼႆသေ တုၵ်းယွၼ်းႁႂ်ႈမိူင်းလႂ်မိူင်းၼၼ်ႉ ႁႃတိၺွပ်းတူဝ်ၵူၼ်းႁၢႆႉႁႂ်ႈလႆႈ ၼႃႈတေထိုင်ဝၼ်းထၢင်ႇႁၢင်ႈသိုဝ်ႇလုမ်ႈၾႃႉ ဢၼ်တေမီး ၼႂ်းဝၼ်းထိ 3/05/10 ၼႆႉ ဝႃႈၼႆ။

ၼွၵ်ႈသေၼၼ်ႉ ၽူႈသိုဝ်ႇၶၢဝ်ႇၸိူဝ်းလႆႈလုတၢႆၵႂႃႇၼႂ်းပီၼႆႉမီးထိုင် 42 ၵေႃႉ ၼႂ်း 22 ၸိုင်ႈမိူင်း။ ၵမ်ႈၼမ်ထုၵ်ႇ ၶႃႈႁႅမ် လႄႈ ၽူႈသိုဝ်ႇၶၢဝ်ႇဢမ်ႇယွမ်း 27 ၵေႃႉလႆႈလုတၢႆယွၼ်ႉၵၢၼ်ဢဝ်ၶၢဝ်ႇငၢဝ်း ၼႆယဝ်ႉ။

မိူင်းဢၼ်ၽူႈသိုဝ်ႇၶၢဝ်ႇတၢႆၼမ်သုတ်းၼၼ်ႉပဵၼ် မိူင်းႁွၼ်ႊတူႊရတ်ႉ ထိသွင် မိူင်းမႅၵ်ႉသီႊၵူဝ်ႊ လႄႈ ထိသၢမ် ပဵၼ်မိူင်းပႃႊၵီႊသထၢၼ်ႊ ဝႃႈၼႆယဝ်ႉ။