ဝွၵ်းသွၼ်ႈၸႂ်
EURO 2012 တီႈၸိုင်ႈမိူင်း Poland လႄႈ Ukraine
- Details
- Written by ၶီႈၾုၼ်ႇ
ၽွင်းမိူဝ်ႈလဵဝ် ၽူႈသူင်ၵျိူၵ်ႈမၢၵ်ႇၼင် ၶဝ်ၵေႃႈတေႁူမ်ၸူမ်းသိူဝ်းၸွမ်း မၢၵ်ႇၼင် လိၵ်ႉဢၼ်ၸဝ်ႈၵဝ်တိတ်းတၢမ်း
တူၺ်းယူႇၼၼ်ႉသေဢမ်ႇၵႃး ၵူႈၵေႃႉၵေႃႈယင်းတေမီးၸုမ်းမၢၵ်ႇၼင်ၸိုင်ႈမိူင်း ဢၼ်ၸဝ်ႈၵဝ်ႇၵျိူၵ်ႈဝႆႉယူႇထႅင်ႈ
ၸုမ်းၼိုင်ႈယူႇ ၵမ်ႈၼမ်ၵေႃႈတေပဵၼ်ၸုမ်းၼႂ်းၵုၼ် South America လႄႈ ၵုၼ် Europe ၼၼ်ႉယဝ်ႉ။ ပုၼ်ႈ
တႃႇၸိုင်ႈမိူင်းတႄႉၵေႃႈတေမီးပၢင်မၢၵ်ႇၼင် မိူၼ်ၼင်ႇပၢင် FIFA Wrold Cup ပၢင် Copa America ဢၼ်လႆႈ ယဝ်ႉၵႂႃႇ တၢင်းသွင်ပၢင်ၼၼ်ႉ ၽွင်းမိူဝ်ႈလဵဝ်ၵေႃႈယင်းတိုၵ်ႉၵိုတ်းပၢင် မၢၵ်ႇၼင် EURO 2012 ဢၼ်ၸိုင်ႈမိူင်း Poland လႄႈ Ukraine လႆႈႁူမ်ႈၵၼ်ၸတ်းၼၼ်ႉယဝ်ႉ။
ပႅၵ်ႉသမ်ႉဝႃႈ ၽွင်းမိူဝ်ႈလဵဝ်ဢမ်ႇပႂ်ႇႁွတ်ႈပီ 2012 သေတႃႉၵူၺ်းပၢင် EURO ၵေႃႈလႆႈသိုပ်ႇလဵၼ်ႈၵၼ်ယူႇၼႂ်းႁွပ်ႈ
ၶတ်းလိူၵ်ႈပုၼ်ႈတႃႇတေလိူၵ်ႈဢဝ်ၸုမ်းတၢင်တူဝ် 16 ၸုမ်းလိုၼ်းသုတ်း ၽွင်းမိူဝ်ႈလဵဝ်မီးဝႆႉၸုမ်းဢၼ်ႁပ်ႉၸတ်း
သွင်ၸုမ်း လႆႈသုၼ်ႇၵႂႃႇၶဝ်ႈၵႂႃႇလဵၼ်ႈဝႆႉၼႂ်းႁွပ်ႈ 16 ၸုမ်းလိုၼ်းသုတ်းလူၺ်ႈဢမ်ႇလူဝ်ႇလဵၼ်ႈၼႂ်းႁွပ်ႈၶတ်းလိူၵ်ႈ
မိူၼ်တၢင်ႇၸုမ်းၼၼ်ႉယဝ်ႉ။
ၼႂ်းႁွပ်ႈၶတ်းလိူၵ်ႈၼၼ်ႉလႆႈၸႅၵ်ႇဢွၵ်ႇလဵၼ်ႈပဵၼ် 8 ၵုမ်ႇ ၼိုင်ႈၵုမ်ႇလႂ် 5 ၸုမ်းသေ တေၶတ်းလိူၵ်ႈဢဝ်ၸုမ်း
ဢၼ်လႆႈထီႉၼိုင်ႈ 8 ၸုမ်းၶဝ်ႈၵႂႃႇၼႂ်းႁွပ်ႈ 16 ၸုမ်းလိုၼ်းသုတ်းသေတေဢဝ်ထီႉ 2 ၼႂ်း 8 ၸုမ်းၼၼ်ႉသိုပ်ႇမႃး
လဵၼ်ႈၼႂ်းႁွပ်ႈ Play-off သေႁႃ 4 ၸုမ်းၶဝ်ႈၵႂႃႇၼႂ်းႁွပ်ႈလိုၼ်းသုတ်းၼၼ်ႉယဝ်ႉ။
ၽွင်းမိူဝ်ႈလဵဝ်ၵေႃႈႁွတ်ႈထိုင်ၵႂႃႇမွၵ်ႈ 7 ပၢင်ဢၼ်ၵူႈၸိုင်ႈမိူင်းလႆႈလူင်းၶႅင်ႇၵၼ်ၼၼ်ႉ လိူဝ်ထႅင်ႈမွၵ်ႈ ပၢင်သွင်
ပၢင်ၵူၺ်းယဝ်ႉၼႆ ၸုမ်းယႂ်ႇလၢႆလၢႆၸုမ်းၵေႃႈ လႆႈဢဝ်ဢွင်ႈတီႈဝႆႉၼၼ်ႉယဝ်ႉလႄႈ ပႂ်ႉသိုပ်ႇႁူႉၸွမ်းၵၼ်ၵႂႃႇဝႃႈ
ဝၢႆးသေယဝ်ႉပၢင်ထီႉ 8 ဢၼ်တေလဵၼ်ႈၵၼ်ၼႂ်းဝၼ်းထီႉ 7-8 October ၵႂႃႇလီငၢမ်းၼႆ ၸုမ်းလႂ်တေပဵၼ် 8 ၸုမ်းလႄႈ 8 ၸုမ်းဢၼ်တေလႆႈၵႂႃႇလဵၼ်ႈႁွပ်ႈ Play-off ၼၼ်ႉသိုပ်ႇပႂ်ႉႁူႉၽွမ်ႉၵၼ်ၵႂႃႇ။
ၶေႃႈမိုၼ်းၽိူမ်ႉထႅမ် http://www.uefa.com/uefaeuro2012/
