မၢၵ်ႇၼင်
Barcelona ၸုမ်းဢၼ်ၶိုၵ်ႉလိုၵ်ႉတီႈသုတ်းၼႂ်းလုမ်ႈၾႃႉ
- Details
- Published on Monday, 12 December 2011 18:51
- Written by ၶီႈၾုၼ်ႇ
ၼႂ်းပၢင်ၶေႉၶႅင်ႇဢၼ်လႂ်သေဢမ်ႇဝႃႈ ပေႃးမႃးတူၺ်းၶိုၼ်းၼႆၸိုင်တေမီးၵေႃႉဢၼ် ၶိုၵ်ႉလိုၵ်ႉလိူဝ်သေပိူၼ်ႈ သင် ပဵၼ်ပၢင်ဢၼ်လဵၼ်ႈၵၼ် ပဵၼ်ၸုမ်းၼႆၵေႃႈ တေႃႈတေမီး ၸုမ်းဢၼ်ၶိုၵ်ႉၶႅမ်ႉတီႈသုတ်းမိူၼ်ၼင်ႇ ၸိုင်ႈမိူင်း Spain ဢၼ်လႆႈသျႅမ်ႇတၢမ်းၵၼ်တႄႇဢဝ်လႆႈသျႅမ်ႇ EURO 2008 သိုပ်ႇမႃးၼႂ်းပီ 2010 ၵေႃႈသိုပ်ႇမႃးလႆႈထႅင်ႈ သျႅမ်ႇ FIFA World Cup 2010 တီႈၸိုင်ႈမိူင်း South Africa ၼၼ်ႉယဝ်ႉ။ ဢိင်ၼိူဝ်ၽူႈလဵၼ်ႈၸိူဝ်းႁပ်ႉၸႂ်ႉၸိုင်ႈ မိူင်း Spain ၼၼ်ႉၽူႈလဵၼ်ႈၸိူဝ်းၼႆႉၵေႃႈယင်းမီးၸုမ်းမၢၵ်ႇၼင်ဢၼ်မိူင်းတူၵ်းၶဝ်ႁွင်ႉဝႃႈ Football Club ၼၼ်ႉၵေႃႈမီးဝႆႉလၢႆၵေႃႈၼႂ်း ၸုမ်းမၢၵ်ႇၼင်ဢၼ်ၸိုဝ်ႈဝႃႈ Barcelona ၸုမ်းဢၼ်လႆႈၸိုဝ်ႈဝႃႈ ၶိုၵ်ႉၶႅမ်ႉတီႈသုတ်း ၼႂ်းၸုမ်းမၢၵ်ႇၼင်ဢၼ်ဢမ်ႇၸႂ်ႈၸိုင်ႈမိူင်းၼၼ်ႉယဝ်ႉ။
ၽူႈလဵၼ်ႈၶိုင်ႈၼိုင်ႈၼႂ်းၸုမ်း Barcelona ၵမ်ႈပႃႈၼမ်ပဵၼ်ၽူႈလဵၼ်ႈၸိုင်ႈမိူင်း Spain ၸိူဝ်းဢၼ်ဢွၼ်ၸိုင်ႈမိူင်း ၶဝ်လႆႈသျႅမ်ႇ 2 သျႅမ်ႇဢၼ်ယႂ်ႇသုတ်းၼႂ်းလုမ်ႈၾႃႉ ၵမ်ႉမင်ၸိူဝ်းၵေႃႈပဵၼ်ၽူႈလဵၼ်ႈဢၼ်ၶိုၵ်ႉတွၼ်းဝႆႉၼႂ်းၸိုင်ႈ မိူင်းၸဝ်ႈၵဝ်ႇမိူၼ်ၼင်ႇ Lionel Messi လႄႈ Harver machelano ၽူႈလဵၼ်ႈၸိုင်ႈမိူင်း Argentina Daniel Alves ၽူႈလဵၼ်ႈၸိုင်ႈမိူင်း Brazil ဢိၵ်ႇပႃးၽူႈလဵၼ်ႈထႅင်ႈလၢႆၵေႃႉသေ ၽူႈၵုမ်းထိင်းၸုမ်းဢၼ်ၶိုၵ်ႉၶႅၼ်ႇမိူၼ် ၼင်ႇ Josep Guardiola ဢၼ်ၶဝ်ႈမႃးၵုမ်းၸုမ်းၼႂ်းပီ 2008 တေႃႇထိုင်ယၢမ်းလဵဝ်ၵေႃႈ ဢွၼ်ဢဝ်ၸုမ်း Barce- lona လႆႈသျႅမ်ႇ Laliga Spain 3 ပီထပ်းၵၼ်၊ လႆႈသျႅမ်ႇ Uefa Champian League 2 ပွၵ်ႈၼႂ်းပီ 2008-2009 လႄႈ 2010-2011၊ သျႅမ်ႇ FIFA Club World Cup မိူဝ်ႈပီ 2009 လႄႈ Coba De Le ၼႂ်းပီ 2008-2009 လႄႈ သျႅမ်ႇ Uefa Super Cup ၼႂ်းပီ 2009 လႄႈ 2011 ၼၼ်ႉယဝ်ႉ။
သၢႆႉမိူဝ်းၶႂႃ - Xavi, Inesta, Messi သၢမ်ၽူႈလဵၼ်ႈဢၼ်ၶိုၵ်ႉတွၼ်းၸုမ်း Barcelona
ဢိင်ၼိူဝ်ၼႂ်းၶၢဝ်းတၢင်း သၢမ်သီႇပီသေ Barcelona ၵေႃႈလႆႈသျႅမ်ႇပဵၼ်တၢင်းၼမ်သေ ဢမ်ႇမီးၸုမ်းလႂ်ပုၼ်ႈ
တႃႇတေဢဝ်ပေႉလႆႈငၢႆႈတႄႇၸဵမ်ဢဝ် Real Madrid ၸုမ်းႁူမ်ႈၸိုင်ႈမိူင်း Spain ဢိၵ်ႇပႃးၸုမ်း Manchester United ဢၼ်လႆႈထုၵ်ႇလူႉသုမ်းၵႂႃႇတင်းသွင်ပွၵ်ႈၽွင်းလႆႈထုၵ်ႇႁူပ်ႉထူပ်းၶေႉၶႅင်ႇၵၼ်ၼႂ်းပၢင် Final Uefa Champions League ပီ 2008-2009 လႄႈ ပီ 2010-2011 ၼၼ်ႉ။
ဢိင်ၼိူဝ်သျႅမ်ႇဢမ်လႆႈမႃးသေ ၽူႈလဵၼ်ႈ လႄႈ ၽူႈၸတ်းၵၢၼ်ၶိုၵ်ႉၶႅမ်ႉ ပုၼ်ႈတႃႇၼႂ်းသၢႆတႃၵဝ်ၶႃႈၽွင်းယၢမ်း
လဵဝ်ၼႆႉတႄႉသွၼ်ႇပၼ်ဝႃႈပဵၼ်ၸုမ်းဢၼ်ၶိုၵ်ႉၶႅမ်ႉတီႈသုတ်းၼႂ်းပၢၼ်ၽွင်းမိူဝ်ႈလဵဝ် လႄႈတိုဝ်ႉတၢင်းဢေႇပုၼ်ႈ တႃႇတေဢဝ်ပေႉၼိူဝ်ၸုမ်းဢၼ်ႁွင်ႉဝႃႈ Barcelona ၼၼ်ႉ။