မၢၵ်ႇၼင်
Sir Alex Ferguson 24 ပီ ဢၼ်ၵုမ်းထိင်းၸုမ်းၽီၾႆးလႅင်
- Details
- Published on Saturday, 20 November 2010 14:48
- Written by ၶီႈၾုၼ်ႇ
ၽွင်းမိူဝ်ႈလဵဝ် သင်ဝႃႈလၢတ်ႈထိုင်ၽူႈၸတ်းၵၢၼ်ၸုမ်း ဢၼ်ၶိုၵ်ႉၵျႃႉလိူဝ်သေပိူၼ်ႈၼႂ်းလုမ်ႈၾႃႉၼၼ်ႉၸိုင်ၼိုင်ႈ ၼႂ်းၽူႈၸတ်းၵၢၼ်ၸုမ်း ဢၼ်တိုၼ်းလိုမ်းဢမ်ႇလႆႈၼၼ်ႉၵေႃႈပဵၼ် Sir Alex Ferguson ၵေႃႉဢၼ်ပဵၼ်ၽူႈ ၸတ်းၵၢၼ်ၸုမ်း Manchester United ၼၼ်ႉယဝ်ႉ။
Sir Alex Ferguson လႆႈတေႇၸႃႉၶဝ်ႈမႃးပဵၼ် ၽူႈၸတ်းၵၢၼ်ၸုမ်း Man Utd မိူဝ်ႈဝၼ်းထိ 6/11/1986 ဢမ်ႇ ၼၼ် 24 ပီပူၼ်ႉမႃးၼၼ်ႉ ဝၢႆးသေၸတ်းၵၢၼ်ၸုမ်းၵႂႃႇ Sir Alex Ferguson ၵေႃႈဢွၼ်ဢဝ် ၸုမ်းၽီၾႆးလႅင် လႆႈသျႅမ်ႇ Premierleague ၼႂ်းပီ 1992-1993 သေ တေႃႇႁွတ်ႈထိုင်ယၢမ်းလဵဝ် Ferguson ၵေႃႈဢွၼ်ဢဝ် မႅၼ်ႇယူႇ လႆႈသျႅမ်ႇ Premierleague သျႅမ်ႇလဵဝ်တၢင်းမူတ်း 11 ပွၵ်ႈ သျႅမ်ႇ FA Cup 5 ပွၵ်ႈ၊ League Cup 4 ပွၵ်ႈ၊ Uefa Chiampion League 2 ပွၵ်ႈ၊ Community Shield 9 ပွၵ်ႈ၊ လႄႈ Uefa Cup Winner's Cup 1 ပွၵ်ႈၼႆယဝ်ႉ။
ၽွင်းမိူဝ်ႈလဵဝ်ၼၼ်ႉၸုမ်း Man Utd ၼၼ်ႉၵေႃႈလူဝ်ႇလႆႈထႅင်ႈသျႅမ်ႇ Premier League ထႅင်ႈပွၵ်ႈလဵဝ်ၵေႃႈတေ ႁဵတ်းႁႂ်ႈၸုမ်း မႅၼ်ႇယူႇၼၼ်ႉ လႆႈသျႅမ်ႇ Premier League သုင်သုတ်း 19 ပွၵ်ႈတႅၼ်းၸုမ်းဢၼ်လႆႈမႃးသုင် သုတ်း 18 ပွၵ်ႈမိူၼ်ၼင်ႇ Liverpool ၼၼ်ႉယဝ်ႉ။ ၽွင်းမိူဝ်ႈလဵဝ်ၼၼ်ႉပဵင်းၵၼ်ဝႆႉ 18 ပွၵ်ႈလႄႈယုမ်ႇယမ်ဝႃႈ ပဵၼ်ထႅင်ႈသဵၼ်ႈတၢင်းၼိုင်ႈဢၼ် Ferguson ၶႂ်ႈယၢင်ႈပႆဢွၼ်တၢင်းတေၽႃႈဝၢင်းမိုဝ်း ၼၼ်ႉယဝ်ႉ။