မၢၵ်ႇၼင်
ပၢင်မၢၵ်ႇၼင်ဢၼ်လိုဝ်းလင် ၼႂ်းၵုၼ်လူင် 7 ၵုၼ်
- Details
- Published on Thursday, 21 July 2011 20:19
- Written by ၶီႈၾုၼ်ႇ
ပေႃးလၢတ်ႈထိုင်ၶိူဝ်းမၢၵ်ႇၼင်ၼႆၸိုင်ၽူႈသူင်ၵျိူၵ်ႈမၢၵ်ႇၼင်
တေႁူႉယူႇဝႃႈမီးပၢင်သင်ၽွင်ႈ၊ ၵူၺ်းမိူဝ်ႈ လဵဝ် ပၢင်မၢၵ်ႇၼင်
လိၵ်ႉၼႂ်းလၢႆၸိုင်ႈမိူင်းၵေႃႈ
မႅၼ်ႈၽွင်းယင်ႉလိုဝ်ႈသေႁၢင်ႈႁႅၼ်းၸုမ်းဝႆႉလႄႈႁဝ်းဢွၼ်
မႃးၶူၼ်ႉၶႆႈၵႂႃႇၸွမ်းၵၼ်ဝႃႈမီး ပၢင်သင်လၢႆလၢႆဢၼ်တၢင်တူဝ်ၸိုင်ႈမိူင်း
မႃးၶေႉၶႅင်ႇၵၼ်ၼၼ်ႉၵွၼ်ႇ။
ဢွၼ် တၢင်းသုတ်းၵေႃႈတေတႄႇဢဝ်ပၢင်မၢၵ်ႇၼင် ဢၼ်ႁွင်ႉဝႃႈ Copa America ၼႆၼၼ်ႉ ယဝ်ႉ။ Copa America ၼၼ်ႉတေပဵၼ်တွၼ်ႈတႃႇၸုမ်းၸိုင်ႈမိူင်းဢၼ်ယူႇ ၼႂ်းၵုၼ် South America ၵူၺ်း ၼႆယဝ်ႉ။
ၶၢမ်ႈမႃးတၢင်းၵုၼ် Europe ၵေႃႈတေမီးပၢင် မၢၵ်ႇၼင် Euro လႄႈပၢင်ၼႆႉၵေႃႈတေမီးၸုမ်းၸိုင်ႈမိူင်း ဢၼ် ၶဝ်ႈလဵၼ်ႈ ပဵၼ်ၸိုင်ႈမိူင်းဢၼ်ယူႇၼႂ်းၵုၼ် Europe ၼၼ်ႉၵူၺ်းယဝ်ႉ။ၼႂ်းၵုၼ် Africa ၵေႃႈ မီး ပၢင်မၢၵ်ႇၼင် African Nation Cup၊ ၼႂ်းၵုၼ် America ၵေႃႈမီး Concacaf Gold Cup၊
ပၢင်မၢၵ်ႇၼင်ၸိူဝ်းၼႆႉၼႂ်းၵုၼ် Asia ႁဝ်းၵေႃႈမီးယူႇၸိုဝ်ႈဢၼ်ႁွင်ႉပၢင်မၢၵ်ႇၼင်ၼႆႉၵေႃႈပဵၼ် Asian Cup ၼႆၼၼ်ႉ ယဝ်ႉ။ ၵူၺ်းပၢင်မၢၵ်ႇၼင်ဢၼ်ယႂ်ႇသုတ်းတႃႇၸိုင်ႈမိူင်း ၵူႈၵုၼ်မႃးႁိမ်သျႅမ်ႇၵၼ်ၼၼ်ႉ ၵေႃႈတိုၼ်း ပဵၼ်ပၢင်မၢၵ်ႇၼင် FIFA World Cup ၼၼ်ႉယဝ်ႉ။
ပေႃးမႃးတူၺ်းၶိုၼ်းၸိုင်ပၢင်မၢၵ်ႇၼင်ၼၼ်ႉမိူၼ်တၢင်းသဵၼ်ႈသၢႆၸႂ်ၵူၼ်းၼႂ်းၸိုင်ႈမိူင်းၼိုင်ႈၵူၺ်းဢမ်ႇ ၵႃးယင်းၸၢင်ႈ လၢတ်ႈလႆႈဝႃႈပဵၼ်သဵၼ်ႈသၢႆၸႂ်ပုၼ်ႈတႃႇၵူၼ်းၵူႈၵုၼ်ၵူႈၸိုင်ႈမိူင်းၼႆၼၼ်ႉလူးၵွၼ်ႇယဝ်ႉ။
