- Details
- Published on Wednesday, 05 January 2011 19:38
သင်လၢတ်ႈထိုင်လွင်ႈ Boxing Day
ၵူႈၵေႃႉတေဝူၼ်ႉဝႃႈတေးၵဵဝ်ႇလူၺ်ႈလွင်ႈပၢင်ထုပ်ႉတွႆႇ ၵူၺ်းပုၼ်ႈတႃႇ
ၼႂ်းၸိုင်ႈမိူင်း ဢိင်းလႅၼ်း ဢမ်ႇၼၼ်ပၢင်ၽရီႇမျႃႇလိၵ်ႉ မိူင်းဢင်းၵိတ်ႉတႄႉ
ပဵၼ်ပၢင်ဢၼ်ၵူႈၸုမ်းတေလႆႈ လူင်းလဵၼ်ႈထပ်းၵၼ် 4 ပၢင်သေၶႅၼ်ႈၵၼ် 2 ထိုင် 3
ဝၼ်း ဢၼ်ပေႃးတႄႉတႄႉမၼ်းတေၶေႉ 1 ဝူင်ႈ 1 ပွၵ်ႈၼႆၼၼ်ႉယဝ်ႉ။
ပၢင် Boxing Day ၼၼ်ႉၵေႃႈတေမီးၶိုၼ်ႈၵူႈပီ တေႇဢဝ်ဝူင်ႈဝၼ်း Crissmas ၵႂႃႇတေႃႇထိုင်ၸမ်ပီမႂ်ႇ။ပုၼ်ႈ တႃႇ Boxing Day ၼၼ်ႉတႄႉမီးၶိုၼ်ႈမႃးၼႂ်းၸိုင်ႈမိူင်း ဢိင်းလႅၼ်းၵူၺ်း တၢင်ႇၸိုင်ႈမိူင်းတၢင်ႇလိၵ်ႉတႄႉ ပိူၼ်ႈဢွၼ်ၵၼ်ပၢႆႈၵတ်း သေၵိုတ်းယင်ႉလိုဝ်ႈသဝ်းၵႂႃႇၸင်ႇသိုပ်ႇၶိုၼ်းမႃးလဵၼ်ႈၵၼ်ထႅင်ႈၵမ်းၼိုင်ႈၽွင်းပီမႂ်ႇ ၵူၺ်းပုၼ်ႈတႃႇ ဢိင်းလႅၼ်းတႄႉ ဢမ်ႇမီးယင်ႉလိုဝ်ႈၵိုတ်းသင်သိုပ်ႇလဵၼ်ႈၵႂႃႇသေဢမ်ႇၵႃး ယင်းပႆမႃးႁိပ်ႈ လဵၼ်ႈ 3 ထိုင် 4 ပၢင် ၼႂ်း 2 ဝူင်ႈၼၼ်ႉယဝ်ႉ။
ၵဵဝ်ႇလူၺ်ႈလွင်ႈ Boxing Day ၼႆႉၽူႈလဵၼ်ႈၽူႈၸတ်းၵၢၼ်လၢႆၵေႃႉဢမ်ႇၸႂ်ႈၼႂ်းဢိင်းလႅၼ်းၵူၺ်းပႃးတင်း ၽူႈလဵၼ်ႈ တၢင်ႇလိၵ်ႉၵေႃႈဢွၼ်ၵၼ်ပၼ်တၢင်းႁၼ်ထိုင်ဝႃႈထုၵ်ႇလီယင်ႉပၢႆႈၵတ်းယူႇ မိူၼ်ၼင်ႇလၢႆၵေႃႉ လႆႈပၼ်တၢင်းႁၼ်ထိုင် ဝႃႈယွၼ်ႉလူၺ်ႈပၢင် Boxing Day ၼႆႉလႄႈၸင်ႇႁဵတ်းႁႂ်ႈၸုမ်းလဵၼ်ႈမၢၵ်ႇၼင်ၸိုင်ႈ မိူင်းဢိင်းလႅၼ်းၼၼ်ႉဢမ်ႇတွၼ်ႉ ပေႉလႆႈပၢင်ယႂ်ႇ Torenament ၸိုင်ႈမိူင်းလႆႈမိူၼ်ၼင်ႇ Euro လႄႈ ပၢင် မၢၵ်ႇၼင်လုမ်ႈၾႃႉ FIFA World Cup ၶဝ်ၸိူဝ်း ၼႆႉယဝ်ႉ။
ၵဵဝ်ႇလူၺ်ႈလွင်ႈၼႆႉႁွင်ႈၵၢၼ် FA ၵေႃႈယင်းတိုၵ်ႉသိုပ်ႇႁဵတ်းၵႂႃႇၸွမ်းၾိင်ႈပဵၼ် ဢၼ်ပူၼ်ႉမႃးၼၼ်ႉသေ Boxing Day ၼၼ်ႉၵေႃႈယင်းတိုၵ်ႉတေသိုပ်ႇမီးပၼ် ၽူႈသူင်ၵျႍိၵ်ႈတူၺ်းၶဝ်ၽွင်းၶိင်ႇ Crissmas သိုပ်ႇၵႂႃႇ ထႅင်ႈယူႇယဝ်ႉ။
