- Details
- Published on Thursday, 09 June 2011 12:12
သင်ဝႃႈၽူႈလူဢၢၼ်ႇႁဝ်းၶဝ်လႆႈၸွမ်းလူၸွမ်းထွမ်ႇၶၢဝ်ႇၼွၵ်ႈမိူင်းမိူဝ်ႈပူၼ်ႉမႃးလၢႆလိူၼ်ၸိုင် တေၵႆႉၵႆႉ
လႆႈႁၼ်ၶၢဝ်ႇဢၼ်ႁဵတ်ႈႁႂ်ႈၵူၼ်းလုမ်ႈၾႃႉသဝ်ႈမွင်ၸႂ်မိူၼ်ၼင်ႇ ဢိင်ႇသၼ်ႇ(ၽႅၼ်ႇလိၼ်ဝႆ) မိူင်းၵျႃႊ
ပၢၼ်ႇ ဢၼ်ႁဵတ်းႁႂ်ႈၵူၼ်းမိူင်းလုသုမ်းသၢႆၸႂ်ထိုင် 25,500 ပၢႆလႄႈလူႉသုမ်းထိုင် 300,000လၢၼ်ႉ
တေႃႊလႃႊၼၼ်ႉယူႇ။
ဢိင်ႇသၼ်ႇပွၵ်ႈၼႆႉႁဵတ်းႁႂ်ႈမီး ႁူၼ်ၼမ်ႉယႂ်ႇလူင်သိုဝ်ႊၼႃႊမိ ဢၼ်မီးတၢင်းသုင်ထိုင် 10မီႊတိူဝ်ႊ
ၽတ်ႉၶဝ်ႈမိူင်းၵျႃႊပၢၼ်ႊ လႄႈႁိူၼ်းယေး၊ ၶိူင်ႈမိၼ်၊ ၶူဝ်၊ သဵၼ်ႈတၢင်းၵႂႃႇမႃးဢိၵ်ႇတင်းလူတ်ႉၵႃးပဵၼ်
မိုၼ်ႇသႅၼ်ၵၼ်း ၸဵမ်ၸိူဝ်းၼႆႉလုသုမ်းၸွမ်းလူင်လၢင် ဝၢႆးဢိင်ႇသၼ်ႇပူၼ်ႉၵႂႃႇမွၵ်ႈလၢႆၼႃးထီးၵူၺ်း။
ယင်းမီးႁူၼ်ၼမ်ႉလဵၵ်ႉလဵၵ်ႉၶဝ်ႈၽတ်ႉထႅင်ႈလၢႆလၢႆပွၵ်ႈလႄႈႁဵတ်းႁႂ်ႈၸိုင်ႈမိူင်းၸွမ်းၽင်ႉသမုတ်ႉတြႃႇ
ပၢင်ႇလၢႆႇတီႈဢေႇသုတ်း 20 ၸိုင်ႈမိူင်းၾၢင်ႉၽေးသိုဝ်ႊၼႃႊမိ လႄႈ သင်ႇၶၢႆႉၵူၼ်းမိူင်းၸွမ်းၽင်ႇယူႇ။
ဝၢႆးသေထူပ်းၽေးဢိင်ႇသၼ်ႇ 9 ရိတ်ႊတိူဝ်ႊ လႄႈ ႁူၼ်ၼမ်ႉသိုဝ်ႊၼႃႊမိ ဢၼ်ၽတ်ႉယႃႉမိူင်းႁၢမ်း
ယဝ်ႉ ႁူင်းငၢၼ်းၾၢႆးၾႃႉ ၼိဝ်ႊၶလီးယႃး သမ်ႉတႅၵ်ႇထႅင်ႈ။ ၶေႃႉၵၢမ်ႇၵျမ်ႇမႃႇၵူၼ်းမိူင်းၵျႃႊပၢၼ်ႊ တူၺ်း
မိူၼ်ႁၢင်ႈႁၢႆႉၸႃႉတေႉတေႉ တေႃႇပေႃးလႆႈသင်ႇၶၢႆႉၵူၼ်းမိူင်းထိုင်ႁူဝ်သႅၼ်မၼ်းပိူဝ်ႈတႃႇငိူင်ႉဝႄႈဢၢႆ
ၵႂၢၼ်း ၼိဝ်ႊၶလီးယႃး ဢၼ်ႁူဝ်ႈလႆဢွၵ်ႇသေႁဵတ်းႁႂ်ႈလၢႆၸိုင်ႈမိူင်းၸွမ်းၵုၼ်ဢေးသျိုဝ်း တေႃႇပေႃးထိုင်
ဢမေရိၵၢၼ်ႊ တူင်ႉတိုၼ်ႇၵူဝ်ၵၼ်ဝႃႈႁႅင်းလူမ်းတေၽတ်ႉဢၢႆၵႂၢၼ်း ၼိဝ်ႊၶလီးယႃးမႃးထိုင်ၸိုင်ႈမိူင်း
ၸဝ်ႈၵဝ်ႇၼႆၼၼ်ႉယဝ်ႉ။
လွင်ႈၽေးသၽႃႇဝ တီႈမိူင်းၵျႃႊပၢၼ်ႊ ပွၵ်ႈၼႆႉတေယွၼ်းၵိုတ်းလိုဝ်ႈမွၵ်ႈၼႆႉၵူၺ်းၵွၼ်ႇ ၵွပ်ႈဝႃႈဢၼ်
တေသိုပ်ႇလၢတ်ႈၵႂႃႇထႅင်ႈၼႆႉပဵၼ် ႁူဝ်ၸႂ်၊ ႁႅင်းၸႂ် လႄႈလွင်ႈထၢတ်ႈၸႂ်ၵႅၼ်ႇၶႅင်ပီးၼွင်ႉၵူၼ်းၶိူဝ်းၵျႃႊ
ပၢၼ်ႊ ၼၼ်ႉယဝ်ႉ။ ၵူၼ်းၵျႃႊပၢၼ်ႊ ဢဝ်ၵုင်ႇမုၼ်ၼိူဝ် ၸိူဝ်ႉၶိူဝ်းသၢႆလိူတ်ႈလႄႈ ပုၼ်ႈၽွၼ်းတူဝ်ၵဝ်ႇ
ပုၼ်ႈၸွၼ်းသုၼ်ႇႁူမ်ႈလူၺ်ႈၵၼ်ယွမ်းႁပ်ႉတူဝ်ၵဝ်ႇ လႄႈလွင်ႈယုမ်ႈယမ်ဢၼ်ဝႃႈတိုၼ်းပူၼ်ႉလွတ်ႈ
လႆႈလွင်ႈၵမ်ႊၵျၢမ်ႊမႃႇ ႁၢႆႉၸႃႉလူင်ၼႆၼၼ်ႉယူႇ။
ၼမ်ႉတႃတၢင်းလူႉသုမ်း တိုၼ်းမီးၸွမ်ႈၵူႈသိင်ႇသမ်ႇၸိူဝ်းမီးသၢႆၸႂ်ယူႇၼႂ်းလုမ်ႈၾႃႉ၊ ၸိူဝ်းႁွင်ႉႁႆႈမွင်ၸႂ်
ၸွမ်းၵေႃႉႁၵ်ႉ ၼပ်ႉမိုၼ်ႇ ၸိူဝ်းၽၢတ်ႇယၢၼ်ယဝ်ႉဢမ်ႇမီးဝၼ်းပွၵ်ႈၶိုၼ်းၵေႃႈ ဢမ်ႇထၢတ်ႇဢမ်ႇဝၢႆး။
ၽေးပွၵ်ႈၼႆႉလႆႈႁၼ်လၢႆလၢႆပိူင် လၢႆလၢႆလွင်ႈဢၼ်ႁဵတ်းႁႂ်ႈသဝ်ႈမွင်ယွၼ်ႉၽွၼ်းႁၢႆႉၸႃႉၽေးသၽႃႇဝ
ၼႂ်းၵႄႈၵၢင်လွင်ႈလူႉသုမ်းၵေႃႈမီးတၢင်းႁၢင်ႈလီ ဢၼ်ၵူၼ်းလုမ်ႈၾႃႉယွင်ႈဢၢမ်း ႁူဝ်ၸႂ်ၵူၼ်းၵျႃႊပၢၼ်ႊ
ဢၼ်သိုဝ်ႈယူဝ်း၊ ၶၢမ်ႇၸုၼ်ႉ၊ ႁူႉပုၼ်ႈၽွၼ်းတူဝ်ၵဝ်ႇ၊ ႁူႉပၵ်းပိူင်လႄႈၼပ်ႉထိုဝ်ၵၼ်ၸိူဝ်းၼႆႉယူႇ။
"ဝၼ်းၽေးသၽႃႇဝသၼ်ႇၶွၼ်းလုမ်ႈၾႃႉပဵၼ် 11/3/2011" ဢိင်ႇသၼ်ႇ 9.4 ရိၵ်ႊတိူဝ်ႊ လႄႈႁူၼ်
ၼမ်ႉသိုဝ်ႊၼႃႊမိ သုင် 10 မီႊတိူဝ်ႊၶဝ်ႈၸွမ်းၽင်ႇပၢင်ႇလၢႆႇ ပွတ်းဢွၵ်ႇၵုၼ်ႁွၼ်ႊသူး ၸိုင်ႈမိူင်းၵျႃႊ
ပၢၼ်ႊ ယွၵ်းယွႆယူႇယဝ်ႉ။
ဢၼ်ၵိုၵ်းမႃးၸွမ်း "ဝၼ်းၽေးသၽႃႇဝသၼ်ႇၶွၼ်းလုမ်ႈၾႃႉ 11/3/2011 " ၵေႃႈပဵၼ်သၢႆတႃသဝ်ႈမွင်
ၸႂ်၊ တင်ႈတေႇဝၼ်းၼၼ်ႉထိုင်ဝၼ်းၼႆႉပဵၼ်ၶၢသ်းယၢမ်းယၢဝ်းဢၼ်တိုၵ်ႉလႆႈႁၼ်ၽၢင်ႁၢင်ႈၵူၼ်းၵျႃႊ
ပၢၼ်ႊ တူၵ်းၵိၼ်း၊ တိုၵ်ႉမီးလွင်ႈၸွၼ်ယူႇသဝ်းၽေၵၼ်ယူႇ ၼႂ်းငဝ်းလၢႆးယၢပ်ႇၽိုတ်ႇ ၵပ်ႉၵိၼ်းဢၼ်
ၵူၼ်းလုမ်ႈၾႃႉ လႆႈႁၼ်ယူႇၼၼ်ႉၵူၺ်းယဝ်ႉ။
"ၾိင်ႈပဵၼ်ၸိူဝ်းပူၼ်ႉလူၼ်ႉၵႃႈၶၼ်ၵူၼ်းၸၢဝ်းၵျႃႊပၢၼ်ႊ ဢၼ်ဢမ်ႇမီးၵူၼ်းမိူင်းလႂ်မိူၼ်"
ဝၢႆး"ဝၼ်းၽေးသၽႃႇဝသၼ်ႇၶွၼ်းလုမ်ႈၾႃႉ" ယဝ်ႉ ၼႂ်းလုမ်ႈၾႃႉၸွမ်းငဝ်းလၢႆးတၢင်ႇတီႈ ၸိူဝ်းပူၼ်ႉမႃး
ဢၼ်ၵႆႉၵႆႉလႆႈႁၼ်မိူၼ်ၼင်ႇၵၢၼ်ၶႅင်ႇႁိမ်ၼမ်ႉၵိၼ်၊ တၢင်းၵိၼ်၊ ယႃႈယႃ ႁူမ်ႈထိုင်ၵၢၼ်ၶႅင်ႇႁိမ် ၸူၼ်
ၶူဝ်းၶွင် လႄႈ ပိုၼ်ႉထၢၼ်ၵၢၼ်ယူႇသဝ်းၸိူဝ်းၼႆႉၵူၺ်း။ ၽွင်းထူပ်းၽေးသၽႃႇဝ တေၵႆႉလႆႈႁၼ်ၵူၼ်း
မိူင်းတီႈၼၼ်ႈ ၸႂ်လမ်လႃႇႁၢႆႉ သၽႃႇဝ ဢၼ်ပဵၼ်ၽေး ဢမ်ႇဝႃႈၼမ်ႉထူမ်ႈ၊ ၾၢႆးမႆႈပႃႇ ၸိူဝ်းၼႆႉယူႇ။
ၵူၺ်းဝၢႆးသေ " ဝၼ်းၽေးသၽႃႇဝသၼ်ႇၶွၼ်းလုမ်ႈၾႃႉတီႈမိူင်းၵျႃႊပၢၼ်ႊ"ပူၼ်ႉမႃးႁဝ်းဢမ်ႇယၢမ်ႈ
ႁၼ်ၽၢင်ႁၢင်ႈႁၢႆႉၸႃႉႁၢဝ်ႈႁႅင်းၸိူင်ႉၼၼ်။ လႆႈႁၼ်ၵူၼ်းထူပ်းၽေး ၸၢဝ်းၵျႃႊပၢၼ်ႊ ၸိူဝ်းၶဝ်ႈထႅဝ်ႁပ်ႉ
ၶွင်ၸွႆႈလိူဝ်ပဵၼ်ပၵ်းပဵၼ်ပိူင်။ ပဵၵ်းသမ်ႉဝႃႈပဵၼ်ၵူၼ်းယူႇထႅဝ်လင်လိုၼ်းသုတ်း သေဢမ်ႇလႆႈႁပ်ႉၶွင် ၸွႆႈ
လိူၼ်ယွၼ်ႉမူတ်းၵႂႃႇၵွၼ်ႇတေမႃးထိုင်ၸဝ်ႈၵဝ်ႇၼၼ်ႉၵေႃႈယဝ်ႉ ၵူၼ်းထူပ်းၽေးၵေႃႉၼၼ်ႉၵေႃႈပႆၵႂႃႇ
လူၺ်ႈယဵၼ်ယဵၼ်ၵူၺ်း၊ ဢမ်ႇႁဵတ်းႁႂ်ႈၵေႃႉငဝ်းလၢႆးႁိမ်ၸူၼ်တႃႇဢဝ်တၢင်းၵိၼ် ၶွင်ၸွႆႈလိူဝ်တီႈပိူၼ်ႈ။
ၵူၼ်းၸိူဝ်းလႆႈႁပ်ႉၶွင်ႈၸွႆႈလိူဝ်ၸိူဝ်းယူႇႁူဝ်ထႅဝ် ၸိူဝ်းၼၼ်ႉၵေႃႈတိုၼ်းဢမ်ႇမီးၸႂ်ႁၼ်ပုၼ်ႈတူဝ်ၵဝ်ႇ
ၵေႃႉလဵဝ်ၵူၺ်းသေမႃးၸွႆႈၽေပၼ် ႁႂ်ႈၵူၼ်းၸိူဝ်းယူႇထႅဝ်လင်လႄႈဢမ်ႇလႆႈႁပ်ႉၶွင်ၼၼ်ႉယူႇ။ ၼႆႉပဵၼ်
ၵၢၼ်မီးၼမ်ႉၸႂ်တီႈဢမ်ႇသူႈႁၼ်ၼႂ်းၵူၼ်း တၢင်ႇၶိူဝ်းလႄႈပဵၼ်တီႈလီယွင်ႈယေႃးဢၢမ်းဢေႃးၸၢဝ်းၵျႃႊ
ပၢၼ်ႊၶဝ်တေႉတေႉ။
လွင်ႈယူႇသဝ်းၶွင်ၵူၼ်းၵျႃႊပၢၼ်ႊ ပႅၵ်ႇပိူင်ႈၸွမ်းငဝ်းလၢႆးသဝ်ႈမွင်ၸႂ်ယွၼ်ႉၽေးသၽႃႇဝၼႃႇၼၼ်ႉယူႇ၊
ယွၼ်ႉမိူဝ်ႈပူၼ်ႉမႃးၵူၼ်းၵျႃႊပၢၼ်ႊ ဢမ်ႇဝႃႈတေႁဵတ်းသင်တေလႆႈလႅတ်းၽႂ်း၊ ႁဵတ်းၽႂ်းလႄႈယိူၼ်ႉ
ၵၼ်ႈၼၼ်ႉယဝ်ႉ။ ၵူၼ်းၶိူဝ်းၵျႃႊပၢၼ်ႊၼႆႉလၢတ်ႈလႆႈဝႃႈပဵၼ််ၸိူဝ်ႉၸၢတ်ႈဢၼ်မီးပၵ်းမီးပိူင် လႄႈၸွမ်း
ၶၢဝ်းယၢမ်းၼၼ်ႉယဝ်ႉ၊ ဢမ်ႇဝႃႈတေသိုဝ်ႉၶွင်ႁိုဝ် သင်သိင်ၵေႃႈယဝ်ႉ တေလႆႈၶဝ်ႈထႅဝ်ပဵၼ်ပၵ်းပဵၼ်ပိူင်။
ဝၢႆးသေ "ဝၼ်းၽေးသၽႃႇဝသၼ်ႇၶွၼ်းလုမ်ႈၾႃႉ 11/3/2011" ၶႅၼ်းလႆႈႁၼ်ၵၢၼ်ပဵၼ်ပၵ်းပဵၼ်ပိူင်
လိူဝ်ၵဝ်ႇ ပဵၼ်ၵၢၼ်ႁႂ်ႈႁူႉလႆႈဝႃႈ ၵူၼ်းၵျႃႊပၢၼ်ႊ မီးပၵ်းပိူင်တေႉလႄႈပဵၵ်ႉသမ်ႉဝႃႈ ငဝ်းလၢႆးတုၵ်ႉယၢၵ်ႈ
တူၵ်းၵိၼ်းမွၵ်ႈၵႃႈႁိုဝ်ၵေႃႈဢမ်ႇႁဵတ်းႁႂ်ႈပၵ်းပိူင်လွင်ႈပဵၼ်ယူႇယွၼ်ႇယၢၼ်းလူင်းလႆႈၼၼ်ႉယဝ်ႉ။
ၵူၼ်းၵျႃႊပၢၼ်ႊပဵၼ်ၵူၼ်းမီးၾိင်ႈယၢမ်ႈတၢင်းၵမ် လႄႈ ပၵ်းပိူင်ၸိူင်ႉႁိုဝ်
ၵႂၢမ်းတွပ်ႇၼႆႉတေလႆႈၶိုၼ်(ႁူၼ်) ၶိုၼ်းထိုင်ႁူဝ်ႁဵင်ပီ ပၢၼ်ပူႇမွၼ်ႇၶွင်ၸၢဝ်းၵျႃႊပၢၼ်ႊၶဝ်ဢၼ်လႆႈ
ၽုၵ်ႇ ၽင်လုၵ်ႈလၢၼ်သိုပ်ႇၵၼ် ပၢၼ်တေႃႇပၢၼ်လူၺ်ႈဢမ်ႇႁႂ်ႈၶၢတ်ႇႁၢႆၼၼ်ႉယူႇ။ ၵႂၢမ်းသင်ႇသွၼ်ပူႇ
မွၼ်ႇပဵၼ်တီႈလမ်ႇလွင်ႈတေႃႇလုၵ်ႈလၢၼ် ပိူဝ်ႈတႃႇဢမ်ႇႁႂ်ႈလုၵ်ႈလၢၼ်ႁဵတ်းသၢင်ႈဢွၵ်ႇၼွၵ်ႈသဵၼ်
တၢင်း ၼၼ်ႉယဝ်ႉ။ တီႈလမ်ႇလွင်ႈၵူၼ်းၵျႃႊပၢၼ်ႊၼႆႉ ပၢၼ်ၶႂၢင်ႉႁႂ်ႈၵူၼ်းထဝ်ႈၵူၼ်းၵႄႇ ႁူမ်ႈဝႃႈဢမ်ႇ
ၸႂ်ႈၵူၼ်းၼႂ်းႁိူၼ်းလဵဝ်ၵၼ်ၵေႃႈယဝ်ႉ ၸၢင်ႈသင်ႇသွၼ်ႁုဝ်ပၼ်တၢမ်ႇလုၵ်ႈဢွၼ်ႇၵူၼ်းၼုမ်ႇတီႈႁဵတ်း
တူဝ်ဢမ်ႇလီမိူဝ်ႈထူပ်းႁၼ်လႆႈ။ လုင်းပႃႈၼႃႉဢႃ ၶွင်လုၵ်ႈဢွၼ်ႇဢၼ်ထုၵ်ႇပၼ်တၢမ်ႇၵေႃႈတေဢမ်ႇ
လႆႈၸႂ်လမ်သင်ၵူၺ်းဢမ်ႇၵႃး လိူဝ်သေၼၼ်ႉတေလႆႈႁႃတၢင်းၵိၼ်ႁိုဝ်ၶွင်တွၼ်းလဵၵ်ႉလဵၵ်ႉၼွႆႉၼွႆႉ ၵႂႃႇ
တွၼ်ႈၽူႈသင်ႇသွၼ်လုၵ်ႈလၢၼ်ၶဝ်ပႃး ဝႃႈၼႆ။
လွင်ႈမီးပၵ်းမီးပိူင် လႄႈမီးၼမ်ႉၸႂ်ၶွင်ၵူၼ်းၵျႃႊပၢၼ်ႊ ၼႆႉထုၵ်ႇၽုၵ်ႇၽင် သင်ႇသွၼ်မႃးတေႃႇပေႃးဝႃႈ
ပဵၼ်လွင်ႈၶိုၵ်ႉတွၼ်းၶွင်ၵူၼ်းၶိူဝ်းၼႆႉၼၼ်ႉယဝ်ႉ။ တီႈလႆႈႁၼ်ၸႅင်ႈတီႈသုတ်းၼႆႉပဵၼ်ဝၢႆးသေၵျႃႊ
ပၢၼ်ႊသုမ်းသိုၵ်းလုမ်ႈၾႃႉပွၵ်ႈ 2 ဢၼ်ၸိုင်ႈမိူင်းယွၵ်းယွႆသေ ႁဵတ်းႁႂ်ႈလွင်ႈသင်ႇသွၼ်ၽုၵ်ႇၽင် ပၢၼ်
လုၵ်ႈပၢၼ်လၢၼ်ဝႃႈ " လွင်ႈလူႉသုမ်းၼႆႉပဵၼ် သၽႃႇဝ ၶွင်ၵူၼ်းလႄႈ လွင်ႈၶၢမ်ႇၸုၼ်ႉသုၼ်ႇႁူမ်ႈ ဢိၵ်ႇ
တင်းမီးပၵ်းပိူင်ၶွင်တူဝ်ၵဝ်ႇၼႆႉ ၸၢင်ႈ "သၢင်းၸၢတ်ႈ" ၶိုၼ်ႈမႃးမႂ်ႇယူႇတႃႇသေႇ ဝႃႈၼႆယဝ်ႉ။
မိူဝ်ႈပူၼ်ႉမႃး ဝၼ်းထိ 11.3.2011 ၵူၼ်းတင်းလုမ်ႈၾႃႉ လႆႈႁၼ်ၶၢဝ်ႇ ၽေးသိုဝ်ႊၼႃႊမိ လႄႈ ႁူင်းၾႆး
ၾႃႉ ၼိဝ်ႊၶလီးယႃး တႅၵ်ႇၼိူဝ်ၵုၼ်ၵျႃႊပၢၼ်ႊ သေတေလႆႈဝႃႈပဵၼ် ငဝ်းလၢႆးဢၼ်ၵိၼ်းတွၼ်းသုတ်းဝၢႆး
သိုၵ်းလုမ်ႈၾႃႉပွၵ်ႈ 2 ယူႇ။
ၼႂ်းၶၢဝ်းယၢမ်းမိူဝ်ႈထူပ်းၽေးသၽႃႇဝ မိူၼ်ၼႆၶူဝ်းၶွင်ၸွႆႈလိူဝ်ဢမ်ႇဝႃႈပဵၼ်တၢင်ၵိၼ်သိူဝ်ႈၽႃႈၼုင်ႈႁူမ်ႈ
တႃႇယူႇသဝ်းၵႂႃႇမိူဝ်းၼႃႈ ၸိူဝ်းၼႆႉလွင်ႈလႆႈၶဝ်ႈထႅဝ်ၸုၵ်းပႂ်ႉႁပ်ႉဢဝ်ၼၼ်ႉ ဢမ်ႇလႆႈဝႃႈပဵၼ်ၵၢၼ်ယၢပ်ႇ
ယဵၼ်းသင်တႃႇၵူၼ်းၸၢဝ်းၶိူဝ်းၵျႃႊပၢၼ်ႊ ယွၼ်ႉပဵၼ်ၸိူဝ်ႉၶိူဝ်းမီးပၵ်းပိူင်တၢင်းယၢမ်ႈလီႈထိၼိုင်ႈၶွင်
လုမ်ႈၾႃႉဝႃႈၼႆယဝ်ႉ။
ၵၢၼ်မီးပၵ်းမီးပိူင်ၸွမ်းပၵ်းပိူင်တႅတ်ႈၼႅတ်ႈၼႆႉ တေၸၢင်ႈၸုင်ၸၼ်ၸၢဝ်းၵျႃႊပၢၼ်ႊၶဝ်ဢွၵ်ႇပူၼ်ႉ
မူၼ်ႉလွတ်ႈလႆႈလွင်ႈလူႉသုမ်းပွၵ်ႈၼႆႉ လႄႈ ၵၢၼ်မီးတၢင်းတိုဝ်းၵမ် လႄႈပၵ်းပိူင်လီၶွင်ၸၢဝ်းၵျႃႊပၢၼ်ႊ
ၼႆႉလၢတ်ႈလႆႈဝႃႈ ပဵၼ်တူဝ်ယၢင်ႇလီတႃႇၵူၼ်းၼႂ်းလုမ်ႈၾႃႉ လီလူ လီယိူင်ႈ ႁဵတ်းၸွမ်း ယူႇယဝ်ႉ။
ၵူၼ်းၵျႃႊပၢၼ်ႊ ၵူႈၵေႃႉႁူႉလီဝႃႈ သၢႆၸႂ်ၶွင်ၶဝ်ယူႇၼႂ်းငဝ်းလၢႆးဢၼ်ဢမ်ႇမၼ်ႈၵိုမ်း လႄႈ မီးၽေးမွၵ်ႈ
ႁိုဝ်ၼႆယူႇ ၵူၺ်းၵႃႈၶဝ်ၵေႃႈႁၢင်ႈႁႅၼ်းတိုဝ်ႉတၢင်းတႃႇၽွမ်ႉႁပ်ႉမိုဝ်းၸွမ်းမၼ်းၼႆႉလႆႈဝႃႈထၢတ်ႈၸႂ်ၵႅၼ်ႇ
ၶႅင် ႁၢဝ်ႈႁတ်းၶိုၵ်ႉလိုၵ်ႉတေႉတေႉ။
လွင်ႈၼႆႉႁဵတ်းႁႂ်ႈၵူၼ်းၼႂ်းလုမ်ႈၾႃႉလီဢဝ်တူဝ်ယၢင်ႇသေႁဵတ်းၸွမ်းၼႂ်းၵၢၼ်ၸွမ်းပၵ်းပိူင်တႅတ်ႈ ၼႅတ်ႈၸွႆႈႁႂ်ႈၸိုင်ႈမိူင်းၽွမ်ႉႁပ်ႉမိုဝ်းၽေးလူင်ဢၼ်ၸၢင်ႈပဵၼ်မႃးၼႂ်းၸိုင်ႈမိူင်းမိူဝ်းၼႃႈယူႇ။
